بعد أسبوع
جازي والبنات كانوا بالمسرح اغلب يومهم حتى بعد المدرسة .. مشغولين بالتخرج وبالمسابقة اللي بيشاركون فيها .. ثريا كانت كل يوم تحضر تدريباتهم
اهل جازي رجعوا وطلعت بدور ببيت لحالها .. الاوضاع بين ثريا وجازي راكدة .. وروان مع بشرى نفس الشي .. رنيم ومها علاقتهم كل ما لها تتحسن
...
بالمدرسة الساعة 2 الظهر وبعد ما راحوا كل البنات
ثريا " لا يا راما لا .. نزلي رجلك واحني راسك !" قالتها ثريا وهي تعقد حواجبها بعصبية
جازي " ابلة انتوا خذوا بريك وأنا بعلمها " تنهدت ثريا وطلعت برى المسرح اما راما جلست على الأرض بتأفف وكل وحدة من البنات راحت تشرب لها شي
جازي جلست بجنب راما وجوا البنات قعدوا معهم مشكلين دائرة .. جازي " ما توقعت ابلة ثريا بتعصب كذا وهي ما تفهم بالرقص شي "
روان " حبيبتي هذي خبرة بالرقص "
بشرى والباقين لفوا عليها بفضول " كيف خبرة؟ لا تقولين بعد أن لها علاقة بالبوب؟"
روان قربت منهم وقالت بهمس " لا .. هذي خبرة بالاشياء اللي نفس اليوغا والبلاتيس والاشياء اللي تساعد على ليونة الجسم "
جازي " ما عندك سالفة حسبت شي مهم "
روان " والزومبا؟ أكيد مرت بفترة ورقصت زومبا عشان كذا جسمها مرن وليّن وهي اللي تدربنا بنفسها ولا جبنا مدربة "
راما بتحلطم " طيب أنا وش ذنبي إذا هي خبرة .. يعني مرة تدقق وأنا اللي آكلها على قفاي ليشش !"
ريانة " معليه انتِ حاولي تركزين يا قلبي وكل شي بعدها بيصير سهل "
راما بوزت وانسدحت على رجل ريانة اللي قامت تلعب بشعرها وتسولف وياها وتتغزل فيها ولا كأن الباقين كانوا قاعدين .. جازي وجهها أحمر
ورمت عليهم كرة صغيرة كانت جنبها وهي تقول " ترى في ناس معاكم ياهوو "
روان " يلا بدوا وما بيخلصون .. يعني من متى هم اهتموا إذا في احد حولهم ولا لا .. الله وأكبر امشوا بس نكمل تدريب "
جازي " لحظة ترى بننكرف لو جت ثريا .. خلونا ناخذ راحة على ما تجي "
رنيم " وجازي الصادقة مدري على وش مستعجلة يا روان " روان همهمت بعدم اهتمام وراما فجأة قامت من رجل ريانة وقالت لجازي
راما " جازي انتِ تعرفين تقلدين .. بالله قلدي ابلة ثريا خل نضحك شوي قبل لا تجي "
ابتسمت جازي ووقفت تقلد ثريا " لا يا راما لا .. كم مرة بعيد عليك مو كذا تسوينها .. "سكتت بعدين اشرت على رقبتها وكملت " رقبتك نزليها رقبتك !"
جلست وهي تضحك مع البنات .. لأنها قلدت كل شي من وقفتها لنظراتها واسلوبها .. وانفتح باب المسرح فجأة مخليهم يلتفتون ناحية سلمى اللي دخلت منه
