جالسة ببيت دان بكل ملل .. كانت تكلم مها بس اضطرت تسكر لأن وراها شغل .. قلبت عيونها بالبيت ما تعرف شتسوي
قامت من مكانها وراحت لغرفة دان .. شافتها جالسة على السرير وتطقطق بجوالها .. دقت الباب دقتين فلفت عليها دان وقالت رنيم " ادخل؟"
اومئت دان بهدوء فدخلت رنيم وتركت دان جوالها .. اشرت لرنيم تجلس بجنبها على السرير وراحت رنيم وجلست هناك وقالت " كيفك عميمه؟"
دان " بخير .. انتِ كيفك؟"
رنيم " بخير "
دان مسكت كتف رنيم وعدلت جلستها " لمتى بتكذبين على نفسك واللي حولك كذا؟"
رنيم رفعت كتوفها " لين اصدقها "
دان تنهدت " طيب وكيف العيشة عند مها .. مرتاحة وياها ولا؟؟"
رنيم نفت بإبتسامة وعيونها تلمع " العيشة عندها أحلى شي صار لي من ولدت "
رفعت دان حاجبها " لهالدرجه؟"
اومئت رنيم برأسها كذا مرة " واكثر "
ابتسمت دان وطبطبت على كتف رنيم " دامك لقيتِ راحتك عندها هذا المهم "
...
باقي اليوم مر هادي على جازي وثريا وقضوه يخلصون اشغالهم لين جا يوم الخميس .. اليوم اللي راح يأدون فيه قدام المديرة
ثريا " لحظه نسيت موضوع اللبس "
سلمى " المهم ما يكون لبس واسع بزيادة "
ثريا ابتسمت بغباء " ما جبت لهم ملابس من الأساس "
ضربت سلمى جبهتها بقل حيلة وقالت " خلاص كل وحدة تأدي بملابسها "
رفعت ثريا حواجبها نافية مخلية سلمى تتنهد " اجل شنو نسوي ؟؟"
ثريا " امم مدري .. بس ما بخلي جازي تطلع قدام الكل بملابسها .. ما تعرفين ستايلها كله قصير ومقطع؟"
سلمى " ومن اللي بيصير موجود غير المدرسة؟"
ثريا " هذا الأساس من قال لك البنات هنا يفكرون ببرائة؟"
سلمى وهي تروح " كيفك انتِ تصرفي وراي اشغال أهم ازعج رأسي فيها "
ثريا تنهدت وهي تفكر تبي دبرة سريعة بس ما لقت لذا راحت للغرفة اللي تصير ورى كواليس المسرح واللي بالغالب يجهزون فيها اللي بيطلع على المسرح
دخلت ولقت البنات متفرقين والازعاج بكل الغرفة تقريبًا لدرجة ما لاحظوا دخولها .. ريانة تعدل مكياج راما وبشرى تسوي تسريحه لروان
لفت عينها على الجهة الثانية من الغرفة وشافت جازي جالسة بهدوء على التسريحة تعدل مكياجها .. دوّرت عينها شوي تدوّر رنيم بس ما لقتها
تنهدت لما حزرت وين ممكن تكون وبسرعة اتصلت على مها " مها جيبي رنيم بسرعه"
مها " ها؟ طيب خمس دقايق زيادة؟"
