...
امل وهي تطبطب على كتفها " ما توقعتك بتصيرين كذا لما تصيرون مع بعض " ثريا لفت عليها وبدلت عبوسها بضحكة غبية " ولا أنا "
امل قلبت عيونها بقله حيله منها وقالت وهي تقوم "يلا بروح اللحين عندي كم مشوار اقضيهم "
ثريا وهي تقوم " ذكرتيني حتى انا وراي طلعه " قالت وهي تأخذ جوالها وتمشي لفوق بس وقفها صوت امل " وين رايحه ؟"
ثريا " اوه ما قلت لك بروح الشاليه معها؟"
امل وهي تسكر عيونها وترص على يدها " ثريا اختفي قبل لا أقوم عليك " ثريا ضحكت بغباء قبل لا تصعد لفوق تجيب اغراضها ولا كأنها كلمت امل
وطلعتها من دوامها عشان تجلس تواسيها ثلاث ساعات لأن جازي راحت بيت اهلها وما بتصير تقضي وقتها معها .. تنهدت امل وهي طالعه من البيت ما توقعت
ثريا الجاده والعاقلة الرزينة بتقلب شخص طفولي لهالحد بعد ما تصير مع جازي ضحكت عليها وهي تفكر بالنهاية بدأت تحس أن ثريا بشر اخيرًا بعيد عن الشغل وضغطه
...
جازي تنهدت وهي تضبط مكياجها " ماما قلت لك كلها كم من يوم وبرجع ما بطول "
سعاد تكتفت " ان تأخرتي ساعه وحدة يا ويلك شوفي كم صار لك ما شفتي ابوك وعمامك "
جازي قلبت عيونها " من زينهم "
سعاد " ابوك يا بنت عيب "
جازي " بسم الله على بابا ما قلت شي اقصد اهله "
سعاد " حتى اهله بعد عيب "
جازي هزت رأسها " ان شاء الله "
سعاد " بتمرك هي ولا تروحين مع السواق؟"
جازي " .. ها؟ مدري اروح مع السواق؟"
سعاد " اي إذا ما بتمرك روحي معه "
جازي بدأت تلم مكياجها اللي على الطاولة قدامها وتقول " خلاص ماما عادي تكلمينه؟" اومئت امها وهي طالعه .. تنهدت جازي وهي تشوف شكلها بالمراية
كانت حاطه مكياج يومي خفيف ولابسة فستان وردي يوصل لركبها مفتوح من الكتوف ومزرر لآخره .. سحبت واحد من العطورات قدامها ورشت منه
ابتسمت برضى على شكلها النهائي .. جت بتتأكد ان شنطتها كامله بس قاطعها اتصال ثريا .. ابتسمت بحماس وردت عليها على طول
جازي " هلا قلبي "
ثريا" هلا بك يا عمري .. جهزتي ولا لسا؟"
جازي " اي اللحين بجي بس ارسلي لي اللوكيشن "
ثريا " أنا جالسه مع اهلك انتظرك "
جازي شهقت بخفيف وقالت " بس لسا وراي اشياء اسويها "
