واقفة تتأمل ثريا بكل امل انها ممكن تبادلها فيوم من الايام ، تاركة تخيلاتها تاخذها لأبعد مكان عن الواقع المر اللي هي عايشته بالنسبة لها
متناسية صديقتها ريانة اللي كانت السند الاول لها قبل اي احد قبل حتى جازي .. كانت صديقة طفولتها وصديقتها الاولى لكنها ما كانت كذا بالنسبة لريانة
اللي وصلت حدها من راما وتصرفاتها ناحية ثريا وكيف انها دايم تعلق على جازي واهتمام ثريا المبالغ فيه لها الين ما جا ذاك اليوم وصدمتها فيه
لما اعترفت لها انها تحب ثريا قدرت تمسك نفسها ولا تعصب وحاولت تبعد الافكار السوداوية اللي كانت فبالها من ذاك اليوم ومن ذاك اليوم وسيرة جازي وثريا
ما ينفكون عن لسان راما وبرضو من ذاك اليوم ما وقفت ريانة لحظة عن كره ثريا ولا وقفت ذيك الافكار انها تنفك عنها لما تجي ثريا وتخطف منها راما بكلمة
معسولة ثم تتركها بعد ما تحصل اللي تبغاه 'بظنها' لفت ريانة على راما تبي تكلمها لكنها سكتت باللحظة الاخيرة لما شافتها تتأمل ثريا بكل ذرة احساس عندها الشي اللي خلاها تعصب من اول الصبح
كانت تبي تروح وتصرخ بوجه جازي ' ابعدي هالثريا عن راما وانتِ معها بالمرة شغلتوها وشغلتوني معها هي حقتي انا ومو من حقكم تاخذونها مني '
كان قلبها يصرخ بهالشي عكس ملامحها الباردة واللي باين عليها مو مهتمة باللي حولها ابد لكنها العكس تحس ان حبها لراما كبرها عشر سنين قدام
مشت الطوابير وحاولت ريانة ما تناظر راما او تكلمها لأنها تدري ان باللحظة اللي بتلف عليها فيها كل امالها ان راما ما تناظر ثريا بتتلاشى بلحظة
تاركة وراها غشاوة ضبابية سوداء على عينها ما تفرق بين كبير وصغير قريب او بعيد تحب هالشخص او لا هي راح تدمر كل اللي حولها بكلمة او فعل يجرحهم
" فيك شي ريانة؟" واللي قطع الهدوء اللي كان فيه سؤال راما اللي كان واضح انها مو مهتمة وكأنها قالتها بإجبار وطبعًا ذا الشي عشان جازي
اللي قالت لها تشوف وش بها ريانة اللي مو على طبيعتها اليوم "ما فيني شي " شفتي قلت لك تقلقين على الفاضي ريانة وانا عارفتها "
دقت جازي خصر راما عشان تسكتها ما تبي ريانة تسمعها بس بالنهاية سمعتها وطنشت كل اللي قالوه وعبرت من قدامهم ولا كأنهم كانوا يمشون وياها
" راما شدعوة تراها صديقتك وتعرفينها اكثر مني وش بك ما لاحظتي انها متغيرة !!" لا وش بها ذي طبيعتها " اقول شي طسّي فصلك واكلمك بالفسحة "
راحت راما فصلها وهي تتذمر بداخلها على قلق جازي اللي ما له مبرر برايها لكنه على طول تغير لما شافت ان ريانة قعدت بمكان ثاني يعني مو جنبها
