صباح / مساء الخير حبايبي 💕
...
الاثنين الساعة ٦ الصبح
جالسين يفطرون بهدوء كسرته ثريا " يلا أنا بروح اللحين وانتِ تدربي زي ما علمتك طيب؟"
جازي اومئت برأسها " اوكي "
ابتسمت ثريا واخذت شنطتها حاست بشعر جازي ومشت للمخرج .. وطلعت برى البيت عشان تداوم بالمدرسة
حطت جازي يدها على قلبها وهي تحس بنبضه كلما له يعلا .. بعدها حولت عينها للمكان اللي كانت جالسة فيه ثريا .. لا مو هذا اللي كانت مخططه له
ما كانت تبي تصير لينه وياها كيف بيوم وليلة صارت تكلمها عادي .. نزلت رأسها وهي تمسح على قلبها بهدوء .. ما قدرت تكمل يوم واحد زعلانه عليها
ثريا ولا اعتذرت حتى بس خلتها تلين وياها .. ما تبي هذا اللي يصير مو هذا اللي تخيلته يصير .. تنهدت وقامت من الطاولة وصعدت لغرفتها
...
يوم الأربعاء بالمدرسة بعد الدوام
دخلت المسرح على جازي اللي جالسة بالارض وتطقطق بجوالها .. قربت منها قبل لا تبتسم وتقول "نبدأ ولا تبين ترتاحين؟"
نفت برأسها وقالت " لا نبدأ أزين "
ثريا " بس توك خلصتي تدريب مع رنيم متأكدة ما بتتعبين ؟"
جازي اومئت " أي متعودة ما بتعب "
ثريا " تراك ترهقين نفسك بزيادة استرخي وخذي الموضوع بسهولة شوي لا تشدين على نفسك كذا "
جازي " بس بكرة الاداء شي طبيعي اشد على نفسي "
ثريا " براحتك .. نبدأ؟"
جازي اومئت وتكلمت ثريا " ابدي انتِ اول " قالت جملتها وجلست على المسرح مخلية جازي قدامها على الأرض ناظرت لها وبدأت جازي تتحرك مع اللحن
دقايق لين خلصت ووقفت وقفتها الأخيرة معطية ثريا ظهرها وحاطة يدها على خصرها .. صفقت ثريا بخفيف ونزلت من المسرح مخلية جازي تلتفت لها
بعدها قالت " برافو عليك يا جازي "
ابتسمت جازي وجلست على الأرض براحه وكملت ثريا كلامها " بس في ملاحظة صغيرة على البارت الأخير من الرقصة "
جازي عقدت حواجبها " وش هي؟"
اشّرت لها ثريا تقوم وقالت وهي تحرك جسمها بنفس الحركة " لازم تسوينها كذا .. ظهرك يرجع اول بعدها باقي جسمك "
قامت جازي وحاولت تسوي الحركة بس ثريا نفت برأسها وقرّبت منها .. جت وراها ومسكت بيد خصر جازي والثانية يدها وبدأت تتحرك وتحرك جازي وياها
ضاق نفس جازي وتوترها وصل اعلى مراحله غير احمرار وجهها اللي فضحها عند ثريا اللي قامت تبتسم بلعوبة .. حاولت تبعد عن ثريا
