منى هي صديقة ثريا من المعلمات واللي عارفة شغل ثريا الاساسي وبعد عارفة بكل شي يصير بينها وبين جازي .. كانت في هذي الفترة بالتحديد كارهة جازي
كارهة العمى اللي بجازي واللي ما كان مخليها تشوف شغل وتعب ثريا منه هالفترة .. بس ما حصّلت أي نتيجة مع جازي اللي كانت بكل مرة تزعل منها
يوم الأثنين بالمدرسة
كانت منى ماشية بالممر تبي تروح للحمام .. بس لفت نظرها غرفة ثريا المفتوحه واللي كانت قاعدة بمكتبها اللي جنب الباب .. وتكلم البنات بس مو هذا
اللي لفت نظرها كثر ما لفتها جازي اللي كانت قاعدة وواضح من نظراتها وملامح وجهها الباردة انها ما تصافت مع ثريا .. عصبت منى .. وفي طريق رجعتها
شافت ان ثريا قاعدة على جوالها وباقي الفصل يسولف فدرت انها معطيتهم فراغ .. دخلت وهي عاقدة يدينها على ورى وبإبتسامة لطيفة وقفت
جنب ثريا .. دخولها خلا جازي تلتفت .. بس من شافت ابتسامة منى صدّت عنهم وناظرت بعيد بعدين رجعت ناظرت ، لفت منى مشابكة يدينها على قدام
ومقربة من ثريا وتكلمت بجنبها التفتت لها ثريا وابتسمت بوسع وقامت تكلمها فجازي رجعت صدّت عنهم .. ثواني ولا تقول ثريا " بنات في كرسي زايد؟"
قامت رنيم وجابت كرسي لمنى من ورى .. ناظرتها منى من فوق لتحت وجلست على الكرسي بدون ما تشكرها .. عقدت رنيم حواجبها وراحت لجازي
قعدت على الأرض بجنبها وقامت تقول لها بحلطمة "بالله ما شفتي كيف دخلت ذي المتخلفة ؟؟"
جازي " من ؟ أي متخلفة ؟"
رنيم " المريضة منى "
جازي وما حاولت تبين ضيقتها " ليش ؟ وش فيها "
رنيم " المريضة داخلة على ابلة ثريا كأنها داخلة على حبيبتها وتبتسم ومدري شنو تسوي " جازي ضحكت واومئت براسها كذا مرة ورى بعض وما امداها تنطق
الا وينطون فوقهم روان وبشرى اللي قالت " بناتت شوفتوا المعتوهة منى وش تسوي؟"
رنيم " تراك قديمة "
جازي لرنيم " تراك اوفر تونا كنا نتكلم عنها "
بشرى " لا صدق لوين ناوية توصل بحركـ .. "
رنيم " بنات بسرعة شوفوا وش تسويي!!"
روان " وش بها خاقة مع ابلة ثريا؟" جازي كانت معطية منى وثريا ظهرها لفت شوي بعدين صدت عنهم بسرعة لما شافتهم مرة قراب من بعض ويضحكون
.. " رنيم وبشرى وران بسرعة تعالوا سووا الورقة" قالتها وحدة من البنات اللي معهم بنفس القروب فقاموا يتأففون ورجعوا يسوون الاوراق
بالوقت اللي نزلت فيه جازي رأسها وقامت تفكر بكلامهم .. ما تبي تفكر بقرب منى من ثريا بس هذا شي يصير قدامها ومهما حاولت تنكره فهم كل يوم بوجهها
