كانت رنيم قاعدة مع البنات وهم يسولفون بما انهم ماخذين بريك بعد ما درسوا ساعة متواصلة .. مع انهم بنفس المكان الا ان كل وحدة بالها مشغول بشي
روان تكلمت فجأه مغيره السالفه" جازي انا مو مرتاحة لثريا .. ودامها للحين ما سوت خطوة توضح فيها اللي تحس فيه فأنا اقول اتركيها "
بشرى " روان خلاص كم مرة اقول لك تقفلين هالطاري انا دارية ان في شي بينهم وواضح من عيونها انها تحبها وميتة عليها " تنهدت روان
روان " وانا اقول اني مو مرتاحة لها وواضح انها تستغل جازي مو اكثر ولا وش اللي بيخلي وحدة بمثل منصبها ومكانتها الاجتماعية تجي لجازي! "
جازي " ابي اعرف بس من حاشي بدماغكم انها تحبني؟ خلاص خل نقفل على السالفة ونرجع ندرس " عضت روان شفايفها بغيض وخزّت بشرى
سحبت يدها وقالت " بنروح الحمام " وجرتها لبرى غرفة رنيم اللي ظلت تفكر بكلامهم .. روان " وش الحب اللي تتكلمين عنه ؟! امي قالت لي ان فلوسها بحر
يغطي الدنيا .. وفوق كل ذا شغلها الاساسي بشركة وش اللي جابها تدرّس وتطيح في وحدة بالمتوسط؟!" شالت بشرى يدها من روان بقوة وهي تقول " مو مهم المنصب والفلوس
اذا هي تحبها ما راح يهمها ولا شي وهالشي انا شايفته فيها ولا كان ما تكلمت " اقول لك شي بس ارجعي لمخاوفك اللي من اول عن انها كبيرة وبتظل
تفكر بالناس ونظرتهم هذا الازين " انحقنت بشرى " هذاك كان كلام فاضي ولا عاد يهمني ولا راح يهمها لأنها صدق تحب جازي وتبي لها الخير " رفعت روان
حاجبها ورجعت تعتصر يد بشرى بين يدينها " اقول لك وحدة لها منصب ومكانة بذا المجتمع الزفت ما راح تهتم بنظرته عشانها والله حبت جازي اللي بالمتوسط
اللي حتى ما بتفيدها بشي عشان صورتها قدامهم!" حاولت بشرى تفلت يدها من روان لكن ما قدرت فقالت والدمعة بعينها" اي اي اذا كان حبها صادق بتسوي
المستحيل عشان ما تفقده .. مو انتِ قلتِ واضح من نظراتها انها غيرانة لكنها تتحكم بنفسها زين وش صار لكل ذاك الكلام .. وذيك الايام اللي كنا نساعد جازي فيها عشان تطيح ثريا فيها هاا؟!! وين راحت ؟!"
تنهدت روان وقالت بهدوء " خلاص بشرى " فلتت يد بشرى اللي كانت تحاول تلقط انفاسها بس مو قادرة ووجهها بدا يحمر قدام روان .. روان ركضت لغرفة رنيم
وشالت جهاز التنفس الصغير وطلعت تحت نظرات الكل المستغربة ، ركضت لبشرى اللي انهارت على الارض .. حطت الجهاز على فم بشرى اللي تمسكت فيه
وبدا الهواء شوي شوي يرجع لداخل رئتينها .. زفرت روان براحة وحضنت بشرى وهي تطبطب على ظهرها تحت محاولات بشرى اليائسة انها تفصل هالحضن
...
ايام الاختبارات عدّت ثقيلة على جازي وخفيفة على رنيم .. جازي اللي كانت تبي ذي الاسبوعين يخلصون بسرعة ورنيم العكس تبي تقعد بحياتها اللي تعتبر حاليًا مستقرة
