قاعدة على طاولة الفطور بجنبها اليمين جازي اللي تتغصب تاكل " جازي " لفت عليها وعيونها كان باين عليها الارهاق .. هي صح مو عارفة تحدد
مشاعرها ناحية ثريا بس ما تبي تطلع اعجاب " في شوية اشياء لازم تعرفيها لأنك بتعيشين وياي "
هزت لها جازي راسها لأنها توقعته شي طبيعي ان كل شخص يكون له قوانينه وعايش وهو ملتزم فيها
" اول شي ابيك تحافظين على حجابك
ما ابي اطلع بيوم والاقيك مو لابسته حتى لأن صدقيني وقتها ما بتصرف وياك زي دايم لأن خلاص انتِ عاقلة ولازم تفهمين ان ذا الشي غلط "
كانت تتكلم وجازي هزت راسها لأن مو شي جديد ان تجي ثريا تكلمها عن حجابها " وابيك تتنقبين يا جازي " لفت عليها جازي بعد ما كانت تناظر صحنها
وقالت وهي تضحك بعدم تصديق " لا اي شي الا هذا مستحيل " لا ما هو مستحيل اذا تبين تطلعين وتروحين وتجين بتتنقبين احمدي ربك ما لبستك عباية راس بعد "
قالتها ثريا بضحك.. ضحكت وياها جازي وقالت بعناد " ما بطلع عادي بس ما ابي اتنقب آخر شي افكر اسويه " اجل خلاص كل يوم لما تروحين المدرسة وترجعين منها بتتنقبين "
جازي "مو توك قلتي عادي بس ما اطلع ؟!" الا بس لازم تروحين المدرسة وبالله عليك روحة المدرسة ذي موب طلعه لحالها؟ " ابلللة مو من جدك كيف تسمين الروحة للهم طلعة "
قالتها بضحك فضحكت وياها ثريا وكملت كلامها "الطلعة هي المكان اللي تروحين له وتستانسين فيه مو تتنكدين وكله بحوث وواجبات "
" طيب يلا يلا على الهم اللحين ولما نرجع البيت لنا تكملة لا تحسبين ان بس ذا الشي الوحيد اللي بلزمك فيه " قالتها ثريا وهي مبتسمة وبنهاية جملتها غمزت
لجازي اللي على طول خدودها قلبوا احمر .. ضحكت ثريا عليها ومطت خدها وقامت اخذت شنطتها من على الكرسي اللي كان جنبها وراحت ناحية الباب
راحت جازي وراها وقعدت وبالها مشغول على الاخر كانت تفكر بكيف بتصير حياتها وياها .. بتقدر تتأقلم وياها او انها رح تكون حمل ثقيل على ثريا؟..
نزلوا من السيارة بعد ما وصلوا للمدرسة وعلى عكس العادة قررت ثريا انها تجي بدري اليوم في وقت الذروة ... الوقت اللي يصير المكان زحمة
اما جازي فاول ما نزلت حست بنظرات كل اللي كانوا يمشون بالشارع من معلمات وطالبات عليها .. هذا شي هي متعودة عليه بس هالمرة حست ان نظراتهم
صارت اكثر واكثر فحاولت ما تتوتر وكملت تمشي مع ثريا الين عبروا البوابة الخارجية وقاموا يمشون جنب بعض قدام الكل
ثريا " جازي ايش عليكم الحصة الاخيرة ؟" نطقت جازي بتفكير "امم مدري يمكن علينا دين "خلاص شوفي وعطيني خبر عشان اللي عليكم الحصة الاخيرة بخليها تطلعك بدري "
