مجتمعين في غرفة الاجتماعات وواقفين قدام ثريا اللي كانت قاعدة وحاطة رجل على رجل وهي تدق بأصابعها على الطاولة الكبيرة اللي قدامها
" وين مريم؟!" مـ.. مريم غايبة استاذة " طيب سمعت ان مريم مأذية جازي وانتوا متسترين عليها هل صحيح هالكلام ولا لا ؟!"
" لا اكيد اللي جاب لك هالمعلومات مصدر مو موثوق " اممم .. اجيب جازي تتواجه وياكم ومعاها مخالفاتها اللي على اغلاط ما تنذكر؟"
" يمكن غلطانين يعني اكيد ما بنكتّب جازي مخالفات على اشياء تافهة وهي سنة اخيرة وتروح " جيبوا لي ملفها !!" نطقتها ثريا بكل عصبية
اما هم زادت رجفتهم وقاموا يتنافضون قدامها " اسـ... استاذة كتبناها مخالفات " وعلى ..؟!" مخالفات سوتها من الدرجة الأولى والثالثة والرابعة"
" على اي اساس كتبتوها؟ وش هي المخالفات !!" أظافرها ومناكيرها وتقصير المريول وفتح الشعر والميكاب وتسـ.. " سكتت الادارية وما قدرت تكمل
لأنها حست انها لو كملت من هنا منجد بتزيد عصبيه ثريا " وايش؟!!" قالتها بصرخة هزّت بدن كل وحدة فيهم " و تسبيب الفوضى والـ ...
والهمجية بالاسياب والفصول " ما شاء الله مدام كل ذي مخالفات ويني عنها كيف ما دريت !!" قلنا يمكن نزعجك على اشياء تافهة "
" اذا هي اشياء تافهة تتكتب مخالفة ليه؟ بعدين توها كانت عندي وكانت زي الفلّ ولا هي مقصرة مريول ولا شي ولا كل ذا عشان المناكير اللي
تحطه اسبوع واللي بعده تشيله؟ بعدين موضوع فتحة الشعر كل البنات اللي ادرسهم شعورهم مفتوحة على اي اساس سويتوا استثناء لجازي
وكتبتوها هي بالذات !!" استاذة جازي طالبة حالها حال باقي البنات ما بنقعد نتستر عليها دايم وفي اشياء لازم تتحاسب عليها "
قالتها ذيك الادارية بانفعال وعصبية " وانا قلت انها ما بتتحاسب؟.. قلت بحاسبها انا بنفسي .. حسابها خلوه علي وش تبون اكثر من كذا " قالت وهي تشدد على آخر كلامها
" معليش استاذة انفعلت شوي " قالت ونزلت راسها وكل جسمها يرتعش كيف تجرأت ورفعت صوتها على ثريا هي نفسها مو فاهمة
" كل المخالفات اللي تكتبت لها على سبب تافه او مو تافه بتنشال ولو دريت ان مخالفة وحدة بس انحطت من غير علمي حتى لو سهوًا ما تلومون الا نفسكم "
قالت جملتها وقامت من الكرسي لفوق على طول بما ان مريم غايبة فبتخلي حسابها وياها بكرة
...
صباح اليوم الثاني
جت روان وقعدت جنب جازي اللي كانت تتأمل الصبورة .. لفت روان على اللي جنبها وغمزت لها بعدها قالت " جازي .. جاااززيي " هلا "
" صار لنا سنة نناديك .. اللي ماخذ عقلك يتهنى بوه" ضحكت جازي بغباء "بس قاعدة افكر ايش اكل بالفسحة " اممم متأكدة ولا تفكرين بحبيبتك "
لفت لها جازي وحاولت ما تبين علامات الصدمة على وجهها وقالت " شتقـ..." قاطعتها روان "ههههههه ولا شي ولاشي ..المهم ذي بشرى صديقتي "
" اي اعرفها هلا بشرى ترى ما نسيت الناقتس اللي صار لك اسبوع تقولين بتجيبين لي اياه " عفواً روان من ذي انا ما اعرفها " قالتها بشرى وهي تمثل انها
ما تعرف جازي .. قامت جازي من كرسيها وتوها بتتكلم لكن روان حطت يدها على فم جازي وسكتتها " يرحم لي اهلكم لو بديتوا ما بتسكتون خلاص "
قاموا يسولفون شوي وجازي شاغل بالها اللي قالته روان .. بعدين حسبتها تمزح لأنها ما جابت الطاري مرة ثانية فطنشت وقررت تكمل سوالفها عادي
جت الحصة الثالثة وكانت رياضيات .. مشت جازي لقسم المعامل فوق ومعاها روان وبشرى ..اول ما عبرت الدرج لفت على روان وبشرى اللي لسا قاعدين يمشون
قامت تسولف وياهم قبل لا تقول لهم " يا العجايز اسرع يلا اللي يشوفكم يقول وحدة من المعلمات طق عمرها الستين يلااا "
كانت تكلمهم وهي تضحك بقوة ومن عادتها تسكر عينها ولا تنتبه للي يصير حولها .. ضحكت ولفت بتكمل طريقها ولا تشوف ثريا واقفة تناظر لها
اما روان وبشرى كملوا طريقهم وهم يعطونها نظرات رحتي فيها .. جت قالت جازي وهي تبتسم "صباح الخير ابلة " صباح النور " بادلتها الابتسامة ونزلت
اما جازي كملت طريقها وراسها بالارض من الاحراج ..
اول ما دخلت الفصل عطت نظرة لبشرى وروان اللي كانوا قاعدين قدام وكملت مشي لين وصلت لمكانها ..
...
الساعة 8:40 الليل
تلبس عبايتها على السريع وتركض لبرى غرفتها وهي ماسكة جوالها تدق على السواق ، وقفت عند الصالة اللي فوق وحطت جوالها على وضع السبيكر
ولسا يدق على السواق بينما تسكر ازرار عبايتها " الو ماما ؟" اي رُوي يلا انا بروح بيت صديقة انا " قالتها وسكرت الجوال وركضت لتحت بشعرها
المفتوح ومكياجها الناعم .. بيدها جوالها والثانية شنطتها .. فتحت باب البيت وطلعت لين وصلت للباب الخارجي فتحته ولا تشوف وحده دخلت
رجعت لورا وهي خايفة ومرتبكة بعد ما درت انها ثريا .. مسكتها ثريا من يدها وسحبتها لداخل البيت بشي من القوه .. واول ما دخلوا قالت
" امك صار لها سنة تدق عليك ليش ما رديتي؟" كانوا اهل جازي طالعين من البيت واتصلت سعاد على ثريا اللي كانت رايحه مشوار قريب منهم
وطمنتها بأنها راح تروح وتتطمن على جازي "انـ .. انا كنت البس وتأخرت قلت بدق عليها لما اوصل السيارة لأني بروح بيت صديقتي "
" كانت بتقول لك انها مشغولة مع السواق وما في احد يوديك " اـ اوكي .. اممم تبين تدخلين أضيفك شي ؟" لا .. بعدين لا تحاولين تنسيني علـ ... "
" ما شاء الله عليك نحفانة يا ابلة تسوين دايت صح ؟!" قالتها وهي تغمز لها " انا دارية الكلام معك ما ينفع خلاص "
قالتها بصوت حاد وطلعت برى بدون ما تعطي ادنى اهتمام لجازي اللي قام ياكلها الخوف ان ثريا تكرهها
اما ثريا فكانت تفكر انها خلاص وصلت حدها
من حركات جازي كم وكم مره وعدتها واخلفت وعدها .. لو ما تبي تسوي اللي تقوله تقدر تعترض لكن لا توعد وعود مهي قدها
