...
بشرى بهمس " لا مو من جدك"
وعد " مع السلامة !"
بشرى مسكت يد وعد وهمست اكثر " وعد اخاف تسوي لك شي ترى ذي ما ينمزح معها !"
وعد ابتسمت بعدم اهتمام " تراها بنت زي ما أنا بنت ويلا بسرعة روحي مع روان "
مسكت بشرى يد روان وسحبتها وياها .. صار المجلس فاضي .. مها ورنيم رجعوا للبيت وما بقى الا دان ووعد اللي كانت تبتسم بخبث داخليًا
مسكت جوالها تسوي نفسها تكلم وقالت " هلا .. ان شاء الله .. حبيبتييي أنا !"قامت بإستعجال بعد ما قالت جملتها ذيك .. صقعت كتفها بكتف الشغالة
وهي تمشي الشي اللي خلا اكواب القهوة الحارة تنسال كلها على فستانها .. طاحت على الأرض من قوة الصقعة .. تكسرت الاكواب وبسرعة قامت دان
ونطقت " انتِ بخير ؟"
وعد تأوهت " ايي .. فخذي يحرقني "
الشغالة كانت تناظر بخوف وبس تعتذر .. دان موجهة كلامها للشغالة " نظفي المكان .. وانتِ وعد تعالي معي !"
قامت وعد بصعوبة لأن طيحتها كانت قوية شوي .. ولحقت دان لفوق .. دخلت دان غرفة فيها سرير كبير ودولاب حجمه وسط .. فتحت الدولاب ومدت قميص
وبنطلون لوعد .. أخذتهم وعد وقالت دان " بس البسي القميص عشان نشوف إذا احترق فخذك "
اومئت وعد وطلعت دان .. لبست القميص وهي تبتسم بخبث وتتخيل وش بتسوي دان لما تشوفها .. مرت فترة ودخلت دان لوعد اللي كانت قاعدة
على السرير .. قربت منها دان وقالت " ارفعي القميص" رفعت وعد القميص اللي كان واصل لنص فخذها .. وصار كل فخذها مكشوف لدان
اللي فتحت علبة الاسعافات بيدها .. طلعت مرهم وقالت " هذا حرق سطحي .. إذا رجعتِ البيت بدلي الشاش يوميًا وبيخف بعد ثلاث ايام "
بدت توزع المرهم بقطنه وبعدها لفت فخذ وعد بشاش .. بوزت وعد لأن مو هذا اللي توقعته منها .. قامت دان وقالت " البسي البنطلون وارتاحي هنا "
قامت بشرى معها " لا ما يحـ .. ما احب اقعد لحالي بجي معك "
رفعت دان حاجبها " بتنزلين كذا؟"
اومئت وعد وهي تمشي للباب .. ووقفت عنده تنتظر دان تجي .. قربت منها دان .. وجت وعد بتفتح الباب بس دان لفت وعد ناحيتها .. وحاصرتها على الباب
تركت يد وعد واتكت بكوعها جمب راس وعد على الباب .. ناظرتها وناظرتها لين حست وعد انه في شي غلط .. او لين احمر وجهها بالاصح ..
وعد " فـ .. فيك شي ؟"
دان قربت وجهها من وعد لين استقرت بجنب اذنها .. قالت وهي تتنفس انفاسها الحارة بهدوء " أنا مو سهلة .. ومو جوي مراهقات " بعدت عن اذنها المحمرة
