ركبت جازي السيارة وهي تنفخ بخدها وتتمتم بحلطمة وصّلتها أمل بهدوء بدون ما تفتح معها اي مواضيع وراحت لشغلها .. دخلت جازي مع ريم لداخل الشقة وجلسوا
وتكلمت ريم بدون مقدمات " جازي حبيبتي فيك شي؟" رفعت جازي راسها لريم ودموعها تجمعت بعينها .. فكرة ان احد يشاركها بثريا تقهرها وكثير
" ريـ .. ـم انا .. شفتي هناي؟ انا احب ابلة ثريا .. افف مو عارفة اتكلم " قالت جازي بعد ما كانت تحاول تركب جملة براسها توصف اللي تمر فيه بس ما لقت
طبطبت ريم على جازي وقالت " وش بها هناي؟ " قالت جازي بدون نفس " تتلزق بثريا كثير وثريا تعاملها كأنها اهم شي بهالدنيا " ابتسمت ريم وقالت " يعني انتِ غيرانة؟"
احمر وجه جازي وقالت "غيرانة؟ من؟ انا ؟ ههههه ضحكتيني انا اغار؟" قالت ريم وهي ترفع حواجبها " الغيرة تنقط منك "
جازي "اقول من اللي غارت بعد ما حضنت الزق امل ؟ انا ولا انتِ؟ " ضربت ريم كتف جازي وقالت " انا وامل غير عنك انتِ وثريا "
وهي تحضن وجهها تكلمت بحالمية مخلية جازي تجعد ملامحها بقرف وتقول " الله اكبر يا الكوبل المثالي " بعدها ابتسمت
وقالت " مسكت عليك شي لو ما عطيتيني جكيتك الاصفر بقول لأمل انك تحبينها " ناظرتها ريم بصدمة وقالت بتهجم " ان قلتِ لها بقول للمبة انك تحبينها"
ناظرت جازي بإستغراب " لمبة ؟" اوه نسيت اقول لك اول كنت اسميها لمبة وللحين اسميها كذا بس مراعاة لمشاعرك الابو ريالين قلت بناديها بأسمها بعد ما تذكرته"
ضحكت جازي بقوة وقالت " عجبتني لمبة شكلي لو بحش عنها قدامها بقول لمبة " اقول بس يا ويلك لو سويتي كذا بتجيني امل وتعتقلني بتهمة نشر الفساد "
ضحكت جازي " هههه زين شكلي بقولها قدام امل الحب حقك " ضربت ريم كتفها وقالت " اقول ما فكرتي وش بتسوين مع لمبة؟ لازم تتقربين منها
زي ما تسوي هناي " اقول لك كانت منسدحة عليها وبحضنها شنو تبيني انسدح بحضنها مثلاً؟!" تنهدت ريم وتكتفت " انتِ هذي مشكلتك اللحين فهمتك "
استغربت جازي " مشكلة وش؟ " مشكلتك يا حبيبتي انك ما تبدين الخطوة الاولى تستحين عشان تبدين فتحملي اللي بيجيك من ورى حياك هذا ترى ما بيفيدك بشي "
جازي بإنفعال "يعني وشو تبيني اجلس على حضنها واتدلع عليها والوع كبدها؟ لا طبعًا بلبس قصير واحرّها وخليها تموت"
تنهدت ريم اقوى وبإنزعاج اكثر " بكذا طارت من يدك ودعيها .. باي باي" قالتها ريم بأسلوب مستفز عشان تحسس جازي وفعلاً فاد هالشي وعلى طول قالت
" يعني لازم اتدلع واتلزق فيها؟" تمتمت وهي تناظر للأرض وتفكر بكلام ريم اللي قالت " اكيد اكيد " لفت عليها جازي وقالت " طيب يعني كيف علميني ؟!"
