جالسة جازي بسريرها وبشعرها المنكوش زي العادة اما منيرة فهي طلعت عشان تتأكد ان كل شي بمكانه مخلية ذيك النايمه تتقلب على السرير
وشوي تذكرت ان اللي بتجي احتمال تكون ثريا هذا لو ما كانت هي اصلاً .. فزت بقوة وراحت فتحت باب غرفة ملابسها اللي مساحتها متوسطة
قامت تنبش بين ملابسها وما هي قادرة تلاقي شي يناسبها .. ظلت فتره تدور وتدور الين ما لقت اللي يناسبها وعلى طول راحت للحمام اللي بغرفتها
طلعت بروب ملفوف حولها على طول غيرت ملابسها اللي كانوا على السرير لابسه فستان ابيض ناعم يوصل لركبها وبعدها رجعت غرفة الملابس
وقعدت قدام تسريحتها بدت تجفف شعرها وتحط ميكاب الين ما اخيراً خلصت .. لكن خلصت بوقت متأخر شوي فطلعت بسرعه وهي تضبط شعرها
وشافت ريم اختها قدامها " جت؟" قالت تقصد فيها ثريا اومئت ريم وهي تفصل جوالها من الشاحن ونزلت لتحت مخليه جازي تنزل وراها بعد ما تأكدت من شكلها
وغرقت نفسها بأكثر عطر تحبه من عطوراتها .. ودخلت وراها وهي منزلة راسها ، اول ما رفعته لقتها قاعدة تكلم امها وهي بشكل خلا عقلها يوقف لحظة يستوعب اللي يصير
رزّتها ورزانتها وحضورها كانوا قويين .. قربت منها واول ما انتبهت عليها ثريا وقفت وسلموا على بعض لكن الشي اللي خلاها تتجمد لحظة هو همس ثريا لها
" على اساس بتستقبليني عند الباب وفي النهاية نزلتي اخر شي " قالتها وانفاسها الحارة تضرب بأذن ورقبة جازي اللي حاولت انها تركز شوي
وما تتشتت من اللي صار لها .. ابتسمت لها وقالت " والله صحيت متأخر عشان كذا وصدقيني راح عن بالي انك بتجين اليوم " وحاولت تترك يدها
لكنها حست بثريا تعصر يدها لدرجة انها حست ان عظامها بتتفتت على قوة عصرها .. ناظرت لثريا بتشتت وضياع وخوف بنفس الوقت
تجمعت دموعها بعينها بألم وغبنه واستغراب من ثريا كلها ثواني قبل لا تحس ثريا على نفسها وتترك يدها ببرود مشت جازي وجلست بأبعد نقطه عن ثريا
وبنفس الوقت جنب ريم بما انها فاهيه وما بتنتبه لتغير ملامحها نفس منيره اللي على طول بتلاحظ .. دقايق مرت وهي كلما لها تغرق بالتفكير اكثر
مره تخبي يدها بسبب الاحمرار اللي ظاهر عليها والمره الثانيه تبتسم بمجامله وفي هالاثناء كانت تحس بنظرات ثريا اللي كانت تزيدها توتر وخوف لذا مسكت جوالها
ودقت على وحده من صديقاتها وطلعت برى المجلس وقعدت تسولف وياها .. اخذتهم السوالف لمده تقريباً نص ساعه قبل لا تسكر جازي لما حست انها تأخرت
شافت قروب صديقاتها مرسلين لها صوره كانت مو عارفه انهم يصورونها وتسوي حركات غبيه .. ضحكت جادي على تعبيرها بالصوره وبدأت تراسلهم
