صباح/مساء الخير حبايبي💕
...
هناي اخذت نفس طويل قبل لا تصرخ بقوه وهي تركض .. ضربت كتف بدور برقه وهي تصيح بطفوليه "امسكيني ان استطعتِ" مدت لسانها آخر كلامها
مخليه بدور تترك رُزمه الاوراق اللي عندها وتفصخ النظارات متكلمه بنبره هاديه " قلت لك لو طلعتي لسانك ما بتركك الا و .. انتِ فاهمتني "
رجعت هناي طلعته وركضت بعيد وهي تقول " امسكيني اول عشان تقدرين تسوين كذا " ابتسمت بدور ونطقت بتحدي " نشوف "
على كلمتها ركضت بسرعه ورى هناي اللي صرخت بقوه " يماااااه نمزح نمزح والله نمزح " قالت وهي تحس ببدور تقرب منها وعلى وشك تمسكها
بس ما امداها تأخذ نفس بعد جملتها ذيك الا وبدور تحاوطها من خصرها وترفعها على الارض راميتها على الكنبه مخليه صوت ضحكاتها يتعالى
اعتلتها بدور وقالت وهي ترفع حاجب " هاه استاذه هناي نسوي اللي قلناه ولا نخليه لبعدين؟" هناي حاوطت رقبه بدور بيدينها وقالت بدلع وهي عابسه
هناي " لا حبيبي بكره وراي جامعه باقي لي غياب واحد على الحرمان .. وفوقها دكتوره ابتهال بتجلدني " بدور سكرت عيونها لثواني قبل لا ترجع تفتحهم
بدور " .. اهممم خلاص على راحتك " بعدت عنها ورجعت لشغلها بهدوء تاركه هناي العابسه وراها .. مشت لين استوطنت حضن بدور
هناي " احبك .. حتى وانتِ نفسيه احبك " بدور رفعت حاجبها قبل لا تنفجر ضحك " يعني تعتبرين نفسك راضيتيني اللحين؟" اومئت هناي ببرائه
مخليه بدور تتوسع ابتسامتها وتحاوط ظهر هناي مقربتها منها اكثر .. قربت منها بشكل كبير وبدأت توزع بوسات عشوائيه لطيفه مخليه أطراف هناي تتنمل
وتشد بيدينها على رقبه بدور اللي وصلت لشفايفها .. تأملتهم شوي مخليه هناي تفتح عيونها الناعسه وتناظر ببدور لثواني قبل لا تقرب منها بدور
وتبوس المنطقه اللي بين شفايفها وأنفها وتبعد بسرعه تشوف ملامحها اللي تبدلت لعبوس " راضيني اول " قربت منها هناي بسرعه وسكرت المسافه بينهم
ببوسه قويه قدرت بدور تسيطر عليها فيها مخليتها تستسلم بدون ما تحاول تجاريها .. دقيقه وفصلتها بدور سانده جبينها على جبين هناي
تناظر بهدوء لهناي اللي تلقط انفاسها .. ابتسمت وقالت "تدرين اني احب شكلك وانتِ محتاسه كذا من بوسه بس؟" هناي لفت وجهها المحمر
وقامت من بدور متكلمه بتأتأه " بـ .. بروح وراي تصاميم اسويها حق الجامعه"
