كانوا قاعدين على طاولة الغداء ما يسنمع شي غير اصوات الهواء اللي جاي من النافذة .. الين قاطع هذا الهدوء جازي وهي تقول
جازي " ابلة بروح عند روان اليوم " من روان ؟! " روان ما غيرها اللي ويانا بالفصل بتجتمع اليوم مع بشرى والبنات وعزموني" مين البنات اللي بيروحون ؟" قالتها ثريا
وهي تحاول تحافظ على برودة اعصابها " امم بس بشرى وروان " لا" قالتها ثريا بكل بساطة خلت اللي جنبها تعصب
" ليش ؟!" انتِ بنفسك اللي قلتي ما تبين تطلعين " اي بس اللحين الوضع تغير بعدين بمشي على شرطك واتنقب " لا " بس انتِ من البداية كان شرطك
اني اتنقب وش اللي صار يعني ؟!" قالتها جازي بشوية انفعال من انفصام اللي قدامها " افكر واشوف " قامت جازي من كرسيها تبي تكلم البنات وتقول لهم ايش صار بس ما امداها بتروح
الا تقول ثريا " على وين؟" شبعت ابي اروح انام" ترى مو من صالحك تعانديني اليوم تدرين ان يمديني استقعد لك وامنعك من الروحة "
قالتها ثريا بضحكة خلت جازي تحس باحساس غريب {احساس اللي كأنك ميت ورجعت للحياة ولا احساس العطشان لما جاه موي؟ وش ذا الاحساس الحلو .. احساس الحياة دبت فيني؟}
وكل ذا بس عشانها شافت ابتسامتها اللي حرمتها منها ذي اليومين فابتسمت جازي لا شعوري معطية ثريا نفس الشعور وقالت " ابللة خلاص بجي اكل"
ابتسمت لها ثريا واشرت لها على الكرسي مكانها وقالت " يلا تعالي وكلميني عن يومك اليوم احسك مروّقة " اكيد ترى توّني روّقت عشانك اخيراً
ابتسمتي لي " قالتها جازي بدون ما تحس واول ما انتبهت على نفسها حطت يدها على فمها ووجهها بينفجر من الاحمرار اللي فيه اما ثريا
فقلبها نبض نبضة حلوة وحست بشعور ما ينوصف لما قالت لها جازي كذا وبسبب كلامها روّقت اكثر واكثر وابتسمت لها
...
كانت جازي تناظر بترقب وتوتر لثريا اللي تسوي نفسها تفكر لأنها تحب تشوفها متوترة .. الين ما اخر شي اكتفت وقالت " خلاص قررت "
قالتها وسكتت مخلية جازي تتوتر اكثر فقالت باستعجال " وش قرارك ها ؟! ها ؟! " اممم طيب روحي وافقت " قالتها ثريا لجازي اللي كانت فاقدة
الأمل بالروحة " ااااه شكرًا شكرًا شكرًا " صرخت فبداية جملتها بحماس خلا اللي قدامها تبتسم على لطافتها وحماسها وعلى طول قامت جازي
وحضنت راس ثريا بيدينها وهي تشكرها مخلية ثريا تتجمد للحظة على حركتها المو متوقعة .. واول ما حست جازي على نفسها رجعت على ورى وقالت
" عادي لو ضميتك صح ؟" هههه عادي عادي " اشوى خفت تتضايقين لأن في معلمات عادي عندهم لو ضميتهم بس في معلمات ما يحبون"
