كانت جازي تتغدى وعلى وجهها ابتسامة خبيثة ونطقت لثريا " امم مشغولة اليوم ؟ " اي وبضطر اطلع برى شوي ليش ؟" لا بس اسأل .. يعني اللحين
مشغولة صدق ولا بتطلعين ؟" ناظرتها ثريا باستغراب وقالت " لا عندي شغلة بقضيها بعدين بطلع مع ابلة منى " اهااا " ووش سالفة هالتحقيق استاذة جازي ؟"
ضحكت جازي بقمطة وقالت " ها؟ ولا شي بس اسأل .. لأني كنت بدق على خواتي اسولف وياهم واشوف متى بيجون " ضيقت ثريا عيونها بشك
وجازي تعطيها نظرات البريئة اللي ما بتسوي شي .. تنهدت ثريا وشالت عينها وكملوا اكل وهم يسولفون .. جازي اول ما خلصت اكل صعدت
لغرفتها ودخلت قروب صديقات لها برى المدرسة واكبر منها بالثانوي
جازي : قاايز قالت لي بتسوي شغل برى وبتلتقي صديقتها شكلها مطولة
ناز : كويس اجل على موعدنا ؟
جازي : اي اكيد بس اي كوفي ؟
جوّ : كوفي الـ **
جازي : تمام بس لا تتأخرون
زين : اكيد ما بنتأخر تبينا نموت
جوّ : من عيوني
ناز : هي جوّ سرقت جملتي انا اللي اقول من عيوني وبزيد عليها يا الحب
هالة : شرايكم تبطلون لعب بزور وتروحون تتجهزون؟
جازي : كفو عليك هالة بردتي قلبي فيهم
زين : المساكين جزاتهم يتغزلون فيك
جازي : خلاص شكرًا حبايبي ميتة على غزلكم انا مرة يجنن
جوّ : بيّض الله وجهك زين
ناز : اقول هلهولة روحي البسي عشان امرك
هالة : تمام
جازي : صح تذكرت انا من بيوصلني ؟
زين : عادي خذي لك تاكسي
جازي : اي بنت البطة السوداء انا بروح اشوف امل
ناز : من امل؟
هالة : مساعدة اللي تعيش وياها
جوّ : اللحين انتِ مو على اساس بتهربين ؟ اذا قلتِ لأمل بتقول لصديقة امك لانها مساعِدتها
جازي : طيب شسوي):
ناز : اخذي لك تاكسي زي ما قال زين
جازي : طيب يلا باي
تركت جازي جوالها يشحن واخذت لها شاور .. طلعت ولبست جينز ماسك عليها وتيشيرت اسود دخلته داخل البنطلون وفوقه بلوفر .. راحت تجفف شعرها بعدين
مسكت جوالها وشافت رسالة ثريا تقول لها انها طلعت .. رجّعت جازي جوالها للشاحن وراحت تسوي لها مكياج خفيف ، لبست عبايتها بعد ما خلصت
وخلت ازرارها مفتوحة ولا حطت الشيلة .. اخذت شنطتها وجوالها ونزلت للمطبخ .. محد من الخدم انتبه على طلعتها .. راحت للباب الخلفي وطلعت منه
مشت شوي وطلبت لها اوبر .. دقايق ويجي وتركب معه .. وصلت للمول عطته الفلوس ونزلت للكوفي وصلت وقعدت لها على طاولة عشوائية تنتظر جيتهم
...
كانت قاعدة تنتظرها لكن لفت نظرها بنت بهيئة مألوفة وشعر طويل قعدت على الطاولة اللي قدامها حاولت تركز بملامحها اللي بالبدايه كانت مغطيه من شعرها
