كانت وعد جالسة بسريرها بعد ما لبست ملابس خفيفه وقصيره بحكم حراره الجو .. تطقطق بجوالها بعد ما عدلت شكلها
اما لجين وجمانة كانوا بالسرير اللي قدامها نايمين من فترة .. تأففت لأنها كانت تنتظر دان بس شكلها مطولة فحطت جوالها على الكومدينة جنبها
وانسدحت .. كان قلبها يدق بشكل مجنون وهي تتذكر وجه دان وتعابيرها الجامدة لما باستها .. أحمر وجهها لما استوعبت اخيرًا انها بتنام وياها بنفس السرير
كانت مسرحة بأفكارها ومو حاسة على دان اللي دخلت .. ابتسمت بخبث وغيرت ملابسها على السريع وانسدحت بجنب وعد اللي كانت منسدحة على ظهرها
وتناظر بالسقف بسرحان وخدود حمر .. قربت منها دان وحطت يدها تحت ظهرها ويدها الثانية حاوطت فيها بطنها .. تخرعت وعد وانتفضت بعدها استوعبت
انها دان .. ابتسمت بشماته وحاولت تشيل يد دان عنها بس دان كانت تشدها لها اكثر واكثر .. تنهدت وهمست وهي تصر اسنانها " ابعدي عني !"
لفت دان جسم وعد وخلتها مقابلها .. حاوطت خصرها بيدينها وقالت وهي تنشر انفاسها الحارة على وجه وعد " انتِ اللي بديتي تحملي "
وعد " مو على أساس مو جوك مراهقات !"
دان " قلت مو جوي مراهقات بس ما أذكر اني خصّيتك"
وعد رفعت صوتها شوي " ابعدي !" شدت دان وعد اكثر ولا كأنها تسمع وحضنتها .. قربت وجهها من رقبة وعد وشمّتها بصوت مسموع اللي خلا الثانية تحمر
وتجيها قوة مجهول مصدرها .. دفّت دان بقوتها وركضت بسرعة للحمام الخارجي وهي تتنفس بسرعة
...
كانت جازي نايمة على السرير بعد يومها الطويل .. الاصح انها كانت جالسة تبي تسولف مع ثريا قبل ما ينامون بس ثريا تأخرت برى .. ريم وامل نفس الشي
فما حست على نفسها الا وهي نايمة لحالها .. مرت تقريبًا ساعة ودخلت ثريا تغير ملابسها .. جلست على السرير بجنب جازي وفهّت بوجهها ..
ما حست على نفسها الا وهي منسدحة وتتأمل ملامح وجهها من قريب .. كانت مرة تختلف واكتشتفت تفاصيل بوجه جازي مثل
الشامة اللي جمب عينها اليسار .. حسّت بجازي تجعّد ملامحها وبعدها صرخت بقوة .. عقدت حواجبها بإستغراب وخوف وحاولت تصحي جازي
بس ما لقت أي استجابة من اللي رجعت تكمل نومها عادي ورجعت ملامحها ارتخت .. تنهدت ثريا وقربت منها وحضنتها ونامت على وجه جازي لأول مرة
امل وريم دخلوا .. راحت امل تغير ملابسها وريم ناظرتهم وهي تبتسم قربت منهم وصورتهم بجوالها صورة على السريع وبسرعة لحقت امل تغير ملابسها
...
مها " وبعد؟"
رنيم " بس يعني احس هذا الحلو غير كذا كله مبالغة ومحد بيعرف الا اللي جرب يعيش هناك فترة "
