صحت جازي من النوم .. وتلفتت حولها بإستغراب وش اللي رجعها غرفتها اللي ببيت ثريا؟ كانت تتأمل الجدار بعيون شاردة بعدين استوعبت انها نامت ودرت ان ثريا هي اللي
جابتها لغرفتها .. انقلبت لجانبها الثاني ومسكت جوالها شافت اتصالات ثريا من امس والرسايل اللي من قروب صديقاتها .. دخلت قروبهم وشافت اللي راسلينه
بشرى : ريانة والله فاتك فلم هوليوود اللي صار
ريانة : ليش وش صار ؟
روان : تخيلي كنا قاعدين نسولف انا والبقر صديقاتك الا ثريا تسوي لنا مداهمة
ريانة : ههههه بالله كيف كان شكلها
راما : كانت جازي منسدحة على روان والله لا يوريك نظراتها !!
بشرى : عيونها طارت وواضح انها غيرانة هههههه
روان : كانت البقرة جازي نعسانة لدرجة لما دخلت ثريا ما انتبهت لها ونامت وعاد انا اول ما شفتها قلت لها ان جازي نامت
راما : تخيلي سألتنا وين عبايتها واغراضها وعطيناها الا تلبسها عبايتها وغطتها وشالتها كان شكلهم مرة كيوت):
ريانة : لا صدق فاتني هالفلم وبعدين صار شي ؟ .. وقفت جازي تقرأ الرسايل وهي حاطة يدها على فمها ووجهها قلب احمر
قامت للحمام اللي بغرفتها اخذت لها شاور ولبست زي ما قالوا لها البنات
شورت ستريج اسود يوصل لنص فخوذها وفوقه هودي ابيض ، طلعت من غرفتها وشافت امل متوجهة لها ابتسمت لها وقالت "صباح الخير "
بادلتها امل الابتسامة " صباح النور .. جيت اناديك عشان الفطور خفت انك نسيتِ الوقت " هههه لا خلاص ما عليك صرت اعرف متى اوقات الفطور
والغداء والعشاء " ضحكت امل وقالت وهم متوجهين لتحت " كويس خفت تضيعين " لا لا تعودت خلاص " وسكتوا لما وصلوا لغرفة الاكل
امل لما لمحت ثريا قالت " يلا انا اللحين بروح ويمكن اتأخر " ابتسمت لها ثريا " بحفظ الله " راحت امل وقعدت جازي بمكانها على الطاولة وقالت
" صباح الخير " صباح النور .. كيفك من بعد امس؟ " قالت جازي بإحراج ووجهها صار احمر " اسفة تعبتك معي ابلة ما كان قصـ .. " قاطعتها ثريا بابتسامة
" شرايك نترك ابلة هذي للمدرسة وتقولين لي ثريا؟" تـ .. تمام " قالتها جازي بتلعثم وعلى طول نزلت راسها لصحنها وبدت تحط لها شي تاكله ونفس الشي
ثريا .. كانوا قاعدين ياكلون بصمت مريح لثريا ومُوتر لجازي .. اللي نطقت بعد فترة " امم عنـ.. دك مخططات لليوم ؟" كانت تقولها بتوتر واضح من صوتها
قالت ثريا وهي تبتسم " لا .. لا يكون بتطلعين ؟" امم لـ.. لا بس كذا سألت " زين اجل تبين نروح نتسوق ؟" ابتسمت جازي بحماس ونست توترها وقالت
" اي كنت بقول لك كذا بس خفت اربطك فيني " لا عادي .. اذا تبين تقولين لي شي قولي يمكن اكون فاضية وابي احد اطلع وياه " ابتسامة جازي توسعت
