Khem Yap ito na. Request mo. Bahala ka kung hindi yan maganda. Minamadali mo ako eh. Hehe
*
Nakaupo si Khielve sa sofa habang inaantay si Kyrene, ngayon siya sasamahan ni Kyrene sa bayan para mamasyal.
"Oh, apo. Why are you still here?" Nilingon niya ang lola niya na pababa ng hagdan.
"Wala pa ba si Kyrene?" Tanong uli nito ng makababa ng tuluyan at lumapit ito sa kanya.
"Wala pa lola eh." Sagot nito na medyo hindi na maipinta ang mukha.
"Baka nakalimutan niya? Mabuti pa puntahan mo nalang siya." Sabi ng lola niya.
"Hindi ko po alam bahay niya lola."
Ako pa talaga pupunta sa kanya. Ibang klase talaga tong babaeng to, nakakainis. Kahit kailan walang nagpapaantay sa 'king babae. Babae ang nag-aantay sakin. Siya lang ang gumawa nito sakin - Sa isip nito na nanggigil kasi kanina pa talaga siya nag-aantay dito.
"Pasama ka kay Ben." Lumingon-lingon ang lola niya para mag-hanap ng mauutos.
"Martha can you call Ben, please." Utos nito sa katulong na nag-pupunas ng mga muwebles.
"Right away Donya Clara...... Ben Where are you? Yohoo Ben." Sigaw nito habang palalayo at tinatawag na parang aso.
"Don't worry apo malapit lang ang bahay ni Kyrene. O kung gusto mo naman kay Ben ka na lang magpasama."
"No lola, kay Kyrene na lang." Agad na sagot nito. Dumating naman agad si Ben at lumapit sa mag-lola.
"Ben samahan mo si Khielve kila Kyrene. " Utos ng Donya.
"Opo Donya Clara." Magalang na sagot ni Ben. Tumayo na rin si Khielve at humalik muna ito sa lola niya bago umalis.
"Mag-enjoy ka apo. Mag-ingat sa pag drive." Pahabol na bilin ng lola niya, ngumiti at tumango si Khielve bago sila tuluyang lumabas ng mansyon ni Ben. Agad silang nag-tungo sa kotse na nasa tapat lang ng mansyon at agad na sumakay.
"Ang ganda ng sasakyan niyo señorito." Sabi ni Ben ng makasakay ito, tumingin sa kanya si Khielve at ngumiti.
"Salamat po." Tipid na sagot niya. Binuhay niya ang makina at agad pinaandar palabas ng Hacienda.
"Saan po ba ang bahay nila Kyrene? Malayo po ba?" Tanong ni Khielve habang binabaybay nila ang daan papunta sa bahay nila Kyrene.
"Malapit lang po. Diyan po señorito, iliko niyo diyan." Sabi ni Ben na tinuro ang daan.
"Ben po ang pangalan niyo? Ilang taon na po kayo?" Tanong ni Khielve habang paliko sila sa isang daan.
"38 na po ako." Sagot nito.
"Ako naman magna-nineteen. Kaya wag niyo na po akong ipu'po." Sabi ni Khielve at ngumiti dito.
"Sige po...ay este. Sige señorito. " sabi nito na ngumiti rin sa kanya.
"Diyan na po ang bahay ni Kyrene. " Turo nito sa isang bahay na nababakuran ng kawayan. Tinigil nito ang sasakyan sa labas ng bakuran nila Kyrene.
Lumabas ang dalawa sa sasakyan. Nagpatiuna na si Ben papasok sa bakuran nila Kyrene at sumunod naman siya dito. Bukas naman ang pinto kaya sumilip dito si Ben, agad din siyang lumapit dito.
"Bubwit, Asan ang ate mo?" Tanong ni Ben sa bata na naglalaro sa loob .
"Nandito po kuya Ben....... Hoy si pogi. Anong ginagawa mo dito? Naku! Dapat hindi ka dapat nagpunta dito." Sabi nito ng makita si Khielve na nasa may pinto na rin, medyo gulat pa ang reaksyon nito.
