Fake Love

Part 36

_Jimin POV_

វាជារឿងមួយដ៏ឈឺចាប់បំផុតនៅក្នុងជីវិតនៅពេលដែលយើង
ស្រឡាញ់មនុស្សម្នាក់តែគេគ្រាន់តែលេងសើចជាមួយអារម្មណ៍ របស់យើង នៅពេលដែលនឹកឃើញដល់ទង្វើនិងពាក្យសម្តីរបស់គេនោះ គឺយើងពិតជាមិនអាចហាមចិត្តខ្លួនឯងមិនអោយឈឺបាន នោះទេ វាពិតជាពិបាកណាស់ ហើយអ្វីដែលសោកសៅបំផុតនោះគឺនឹកដល់គេទាំងដឹងថាគេមិននឹកគិតដល់យើង មិនបានស្រឡាញ់យើង ដូចដែលយើងមានចិត្តទៅលើគេនោះ

ហេតុអីក៏ខ្ញុំនៅតែនឹកគេទៀត? ហេតុអីទៅ? ឬមួយក៏ព្រោះតែខ្ញុំ
ដាក់ចិត្តស្រឡាញ់គេខ្លាំងហើយ ខ្លាំងរហូតដល់ថ្នាក់ដឹងថាវាជា ស្នេហាក្លែងក្លាយហើយក៏នៅតែស្រឡាញ់ នៅតែនឹក?

គ្រប់គ្នាតែងតែនិយាយថាបើអ្នកស្រឡាញ់នរណាម្នាក់អស់ពីបេះដូងនោះ គឺប្រាកដជាមិនចង់បានអ្វីតបស្នងមកវិញនោះទេ តែខ្ញុំអាចបញ្ជាក់បានថាវាខុសហើយ បើសិនជាអ្នកស្រឡាញ់ម្នាក់នោះខ្លាំងអ្នកនឹងសង្ឈឹមថាគេនឹងតបក្តីស្រឡាញ់មកអ្នកវិញ យ៉ាងតិចណាស់ក៏ ១០% ដែរ

ខ្ញុំមិនចង់បំភ្លេចគេទេ ហើយខ្ញុំក៏សង្ឈឹមថាគេនឹងមិនបំភ្លេចអ្វីដែលគេធ្លាប់ផ្តល់មកអោយខ្ញុំ ក្តីបារម្ភ ភាពកក់ក្តៅនៃវត្តមានរបស់គេ ក្តីសុខ ស្នាមថើប និងការយកចិត្តទុកដាក់ពីគេមកលើខ្ញុំ ទោះបីជាវាមិនមែនជាការពិត គ្រាន់តែជាការបោកប្រាស់ដើម្បីអោយខ្ញុំឈឺចាប់ក៏ដោយ ខ្ញុំសង្ឈឹមថាគេមិនបំភ្លេចចោលទៅចុះ

ទោះខ្ញុំទទួលបានអារម្មណ៍ស្រឡាញ់រយៈពេលខ្លីក៏ដោយ តែពិតជាមានន័យចំពោះខ្ញុំណាស់ បើមកសួរខ្ញុំថាហេតុអីក៏ចិត្តងាយបែប នេះ? ខ្ញុំក៏មិនយល់ដែរ តែចំពោះគេគឺពិតជាធ្វើអោយខ្ញុំមានអារម្មណ៍ថា ស្នេហាគឺមិនមែនស្ថិតនៅលើការទាក់ទងគ្នារយៈពេលយូរនោះទេ

(("ខ្ញុំនឹក Jimin ណាស់ដឹងទេ?"

"......."
(ខ្ញុំក៏នឹកដូចគ្នា....)

"យប់ហើយ! Jimin ឆាប់ចូលសម្រាកចុះ...ខ្ញុំទៅវិញហើយ"

"......."
(មិនព្រមលែងផងអោយចូលផ្ទះយ៉ាងម៉េច?)