THE CHOSEN HEIRESS (Completed)

CHAPTER 68: The Two Loverboys

•AERIN's POV•
 
No'ng narinig ko ang boses ni Red na binanggit ang word na 'Chosen', sumagi sa isip ko si Yesha kaya napalingon ako sa kinaroroonan niya.

Sa sobrang gulat ko ay napasigaw pa ako. Nakita ko kasing gising na siya pero kay Red pa siya nakatitig pero mas nagulat ako no'ng biglang lumapit ang ibang Royalties saka lumuhod kaya lumuhod na din ako.

Nagtaka ako kasi tinawag nilang 'Kamahalan' si Yesha kaya taka kong tiningnan ang bff ko at napansin ko ngang may kakaiba sa kanya.

Nag-iba ang kulay ng mga mata niya at may simbolo siyang korona sa noo, umiilaw pa ito at agad din namang nawala kaya tumayo na kami.

"Waaaaaaaah! Gising ka na bff ko huhu patawarin mo'ko kasi di kita natulungan *sobs*" umiiyak kong sambit.

Nakangiti naman siyang tumingin kaya niyakap ko siya. Iba pa rin ang kulay ng mga mata niya, nararamdaman ko ring lumalakas siya.

Ano kayang nangyari?

"Okay lang 'yon Aerin, masaya ako kasi nakita pa kita ulit" bulong niya sa'kin habang magkayakap kami.

Parang ayaw ko ng bumitaw sa yakapan namin, na-miss ko siya ng sobra kaya lang siya na mismo ang kumawala sa yakap ko.

Patuloy pa rin sa pagtulo ang mga luha ko at siya na mismo ang pumahid dito. Ang init ng haplos ni Yesha, parang gumaan ang pakiramdam ko.

"Lahat ng ginawa ko ay para sa'yo dahil ikaw na lang ang meron ako, Aerin" nakangiti niyang sabi.

"Sala-----------------"

"Nandito din kami Chosen para sa'yo" singit nila Caeli.
 
Nakita ko namang lumungkot ang itsura ng bff ko pero agad din namang napalitan ng saya. Alam kong nalungkot siya dahil sa pagpapanggap na ginawa niya, alam kong gusto na niyang makalaya at magpakatotoo.

Dahil sa'kin kaya siya nahihirapan. Siya ang sumalo ng lahat na dapat sa'kin mangyari, wala akong kwentang kaibigan.
 
Sorry Yesha pero wag kang mag-alala, matatalo din natin sila at hinding-hindi masasayang ang mga sakripisyong ginawa mo.

"Maraming salamat sa inyong lahat. Kayo ang naging lakas ko pero nagtataka lang ako, bakit kayo lumuhod kanina? B-bakit niyo ako tinawag na 'Kamahalan'"? tanong niya. 

Mabuti naman at itinanong niya ang bagay na 'yon dahil gusto ko ring malaman kung bakit. Parang Royalty lang ano?

"Lumuhod kami dahil nakita namin sa'yo ang aming reyna, ang Lux Queen. Ang kulay ng mga mata mo ngayon ay nag-iba na, iyan ang kulay ng kanyang mga mata. May simbolong korona na nakatatak sa noo mo kanina at 'yon naman ang simbolo ng kanyang pagiging reyna. Nakausap mo ba siya?"

Eh?

Bakit parang nag rhyme ang mga sinasabi ni RV? Don't tell me dati din siyang makata? Ayy teka----bumalik na naman ang pagiging syunga ko, matured na dapat ako.
 
Pero 'yon pala ang dahilan. Bakit naman kaya nakita nila ang totoong Lux Queen kay Yesha? Hindi kaya------------

"Hindi ko alam kung siya 'yon pero Oo, may nakausap akong babae na may korona. Maganda siya at maamo ang mukha, siya ang tumulong sa'kin na makalabas mula sa isang napakadilim na lugar" kwento ng bff ko.
 
"Pwede mo bang sabihin kung paano ka niya natulungan?" tanong naman ni Eris.

Bakit kaya hindi nagsasalita si Red? Kanina lang eh parang gustong-gusto na niyang yakapin ng mahigpit si Yesha eh.

"Ang sabi niya ay hindi na daw ako makakalabas sa lugar na 'yon hangga't wala akong kapangyarihan kaya ibinigay niya sa'kin ang kapangyarihan niya" sagot ni Yesha.

Nakita ko ang gulat sa mga mata nilang lahat at parang di makapaniwala sa narinig. Kahit ako ay namangha din at sobrang nagpapasalamat ako sa Lux Queen dahil tinulungan niya ang bff ko.
 
Ang bait niya talaga.