💞 قلوب أرهقها العشق 💞 بالدارجة المغربية

من بعد ما مشات غادي تعاود😍😍😍😍😍
مازال عاقل فاش اول مرة جات عيني بين عينيك كان خاصني نشوفك مثلك كمثل الآخرين تجاهلتك بزااف كأنني ما كنشوفكش امامي أو كأنكي مازال ماتخلقتي تجاهلت اشتياقي ووحشي ليك فكل ثانية كنت كنتقاتل مع نفسي ولكن فهاذ اللحظة وبكل وضوح وبكل هدوء كنعلن بلي خديتي بلاصة كبيرة لداخل فقلبي وتوسعتي و خديتي مني روحي وكل خلية فجسمي ولات كتنادي بإسمك كيفاش وقع والله ما عرفت ولكن الحاجة اللي عارف هو انا اللي عزلت نفسي عن الحب لسنين طوييلة جيتي فلمح البصر انتاشلتني من عزلتي كنتي بحال اليد اللي كتمد ليك فاش كتكون كتغرق بحال قطرات الشتاء اللي كتجي بعد سنين طويلة من الجفاف عارفاني ماكنعرفش نعبر على شنو كاين لداخل فقلبي حيت نتي عارفة شنو عشت ولكن ماعارفاش بلي امام عينيك الحروف كيخونوني وماكنبقاش عارف نركب جملة مفيدة بحال شي طفل صغير ماكنبقاش عارف شكون انا كأنكي كتلوحي عليا تعويذة خاصة بيك بخلاصة قلبي أصبح مرهق بعشقك 💔....