Loving A Her (Intersex) Completed

Chap 0 2 6

AUGUST

'Ano na namang kabobohan 'to?'

Mga ulol talaga. Kakasimula palang ng araw pero mga walang ka-modohan na agad ginagawa nila. Wala na ba silang maisip na mas magandang gawin hindi 'yung pinagkakalat nila ang kabobohang sila lang yata ang mayroon? Nakaka-irita.

“Hi August, kamusta? Sorry ngayon lang nakapagparamdam ah? Pinaghandaan ko pa kasi 'to para sa'yo.”
Sabi ng babaeng may kakaibang ngisi sa labi habang papalapit sa'kin.

Napa-ikot naman ako ng mata sa paligid. Ano namang paghahanda ang sinasabi nya eh may mga babaeng mukhang mahihina lang naman ang nakapalibot sa'kin ang nakikita ko? Mapag-biro din sya.

'Teka. Iniisip nya ba na masisindak nya'ko sa ganitong paraan?'

Napangisi ako sa naisip na naging sanhi upang magbago ang timpla ng mukha nya.

“Anong nginingisi-ngisi mo dyan?”
Kunot-noo nyang tanong na halatang naiinis.

“Alam mo bang nakakatawa ka?”
Ngisi kong sagot. Lahat naman ng tao sa paligid ay napa-oohhh na parang tanga.

Bigla ko ding naramdaman ang pamilyar na presensya ng mga tao. Sila nga yun. Hindi ako pwedeng magkamali.

“Aba't— gusto mo ba talagang makatikim ng kamao ko ha??”
Galit nyang tanong na lumapit pa sa'kin. Ang mga kasamahan din nyang babae ay ganun din pero may distansya.

Mas lalo naman akong napangisi at binaling sa kaliwa ang ulo ngunit nakatingin padin sa kanya.

“Oo. Sa tingin mo ba matatakot mo'ko sa mga pa ganito mo? Sinasabi ko sa'yo Cynthia, nagkakamali ka ng inaakala.”

"Cynthia daw hahahhaha!"

Nagsimula namang masi-halakhakan ang mga tsismosang estudyanteng nakatingin samin. Pero bakit? Nakalimutan ko na pangalan nya eh.

“Tahimik!”
Malakas na sigaw nya sa mga tao na kinatahimik naman ng mga ito.

Nagbaling sya ng tingin sa'kin na pinikit pa ang mga mata na parang nagpipigil. Tss.

“Alam mo ikaw? Gusto kita eh. Ikaw lang kasi ang kaisa-isang taong may lakas ng loob na kalabanin ako at sagot-sagutin pa'ko na parang wala lang. Pero sayang, dahil mayabang ka. Hambog at pobre. Ayoko ng may ganung klaseng tao sa buhay ko kaya para sa'kin isa ka lang insekto na dapat tinatak-tapakan.”
Sabi nya at dinuro pa'ko.

Nawala bigla ang ngisi ko sa labi at napalitan ng walang emosyon na ekspresyon. Nakita ko naman ang pag-arko ng labi nya.

'Tss. Sa tingin nya ba nakuha nya'ko sa ganun? Kahangalan.'

Isang buntong-hininga ang pinakawalan ko bago tinuon ulit ang tingin sa kanya. Tahimik na din ang mga tsismosa na parang naghihintay ng sunod na mangyayari sa isang pelikula.

“Tumingin ka sa kaliwa,”

Kunot-noo nya'kong pinakatitigan ngunit nagpatuloy ako sa pagsasalita.

“Tumingin ka sa kanan,”

Muli ay wala pa din syang ginagawa.

“Tumingin ka sa taas,”

Sa pagkakataong ito ay bahagya nyang tinaas ang ulo nya.

“Tumingin ka sa baba.”

Tumingin sya sa baba. Nakita kong nakakunot nadin ang noo ng mga nakapaligid.

“Ano nakita mo??”
Nakakunot padin sya ng noo na nakatingin sa'kin.
“Ang pake ko nakita mo?”

Sa isang iglap lang ay bumalot sa buong paligid ang mga halakhakan. Ngunit ang isang na nasa harap ko ay kabaliktaran ang nararamdaman. Nanlilisik ang mga mata nyang nakatingin sa'kin at sa pagkakataong 'to ay dinampot nya'ko sa kwelyo.