Yes,I like,you too?
"Cheers!!!"
ခွက်အချင်းချင်းတိုက်သံတွေက အခန်းထဲချက်ချင်းဆိုသလို ဆူညံသွားသည်။
ဝိုင်းအလိုက်ထိုင်ကြပေမယ့် တစ်ချိန်တည်းမှာ အတူတူခွက်တိုက်တာမို့ အသံတွေက သာမန်ထက်ကျယ်လောင်လို့။ သည့်အပြင် ဟေးလေးဝါးလားနှင့်ပါ ဝိုင်းအော်ကြသည်မို့ အခန်းကြီးတစ်ခုလုံးက ဆူဆူညံညံ။မီးအလင်းရောင်ကိုလျှော့ထားတာမို့ အလင်းရောင်ကဖျော့နေပြီး ပြာလဲ့လဲ့နှင့်။
အခန်းတွင်း၌ စားပွဲဝိုင်းက ၃ဝိုင်းရှိနေပြီး ၆ယောက်တစ်ဝိုင်းထိုင်ကြရသည်။
ဆိုတော့ လူပေါင်းအားလုံး ၁၈ယောက်မျှရှိသည်ပေါ့။သည်လိုနှင့်ထိုင်ရန်လူခွဲသောအခါ ရိပေါ်က ကိုယ့်လူရင်းတွေရဲ့ဝိုင်း၌သာကျသည်။ လူခွဲထားသည်က ကိုယ်ရင်းနှီးရာ ရင်းနှီးရာထားပေးတာမျိုး။
ဒါ့ကြောင့် ရိပေါ်ရဲ့ဝိုင်းတွင် အစက ရိပေါ်၊ ဖန်ရှင်း၊ ဟောက်ရွှမ်း၊ ကျိလီ၊ ကျဲဝမ်ချင်နှင့် ကျဲရွှမ်လုတို့ပါဝင်သည်။သို့သော်လည်း ယခုမူတော့ မတူတော့။ အခန်းတွင်းသို့မမျှော်လင့်ထားပါသော ဧည့်သည်ရောက်လာတဲ့အခါ နေရာတွေကပြန်ပြောင်းပြန်သည်။
ရှောင်းကျန့်ဆိုသူက တော်ရုံတန်ရုံလူနဲ့အပေါင်းအသင်းမလုပ်တာမို့ သူရင်းနှီးတဲ့လူကအရှားသား။ဖန်ရှင်း၊ ဟောက်ရွှမ်း ၊ကျိလီ..နောက်ပြီး သူနဲ့သာသိတာမို့ တစ်သီးတစ်သန့်တည်းဖြစ်နေတဲ့ ရှောင်းကျန့်ကို ရိပေါ်တို့ဝိုင်းထဲထည့်လာပြီး ဟောက်ရွှမ်းက အပေါင်းအသင်းများတဲ့သူဖြစ်တာမို့ တစ်ခြားဝိုင်းသို့သွားပေးသည်။
ဒီလိုနဲ့ ရိပေါ်နှင့်ရှောင်းကျန့်တို့ တူတူထိုင်ဖြစ်ကြသည်ပဲ။
သို့ပေမယ့် ဘေးချင်းကပ်တော့မဟုတ်ခဲ့ရာ။ ရိပေါ်ကိုအစစအရာရာနားလည်ပါသော
ဖန်ရှင်းက ရိပေါ်နဲ့ နှစ်ယောက်ကျော်မှာသာ ရှောင်းကျန့်ကိုထားလိုက်တာမို့ ဘေးချင်းကပ်မထိုင်ဖြစ်တော့။သို့ပေမယ့် မျက်နှာချင်းဆိုင်တောင်ဖြစ်သွားခဲ့သည်မို့ ထူးတော့သိပ်မထူးခဲ့။
ရိပေါ်နဲ့ ရှောင်းကျန့်တို့ရဲ့ ညာဖက်ကြားထဲတွင် အတွင်းသိတဲ့ ဖန်းရှင်းနဲ့ကျိလီတို့ကနေရာယူပြီး ဘေးဖက်ခြမ်းကကြားထဲတွင်တော့ သူတို့အကြောင်းမသိတဲ့ကျဲနှစ်ယောက်က နေရာယူလျက်။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner