37

1.9K 268 39

by thousandsunnyO

by thousandsunnyO

Yes,I like,you too?

"..ရှောင်း..ရှောင်းကျန့်"

မရပ်မနား လှမ်းနေသော ခြေလှမ်းများသည် ခေါ်သံလေးတစ်ခုရဲ့နောက် တုန့်ဆိုင်းခြင်းမရှိ ရပ်တန့်လို့သွားခဲ့သည်။

ဦးတည်ချက်မဲ့စွာ စိတ်စေသည့်အတိုင်းသွားခဲ့သည်ဖြစ်သော်လည်း အခြေအနေနှင့် သင့်တော်အောင် တမင်လာခဲ့သည့်အလား ၊ သူတို့သည် လူရှင်းသည့် ပြုပြင်ဆဲဌာနနေရာနားသို့ ရောက်နေခဲ့သည်။

ရှောင်းကျန့်သည် ယခင် ၄ရက်လုံး အစည်းအဝေးပွဲများစွာနှင့် တိုးချဲ့ဖြစ်သည့် ကုန်တိုက်အသစ်ကြောင့် အလုပ်များခဲ့လေ၍ ဝမ်ရိပေါ်ကို လာမတွေ့နိုင်ခဲ့။
ယနေ့ အားသည့်အချိန်ဝယ် လာတွေ့လေတော့ မြင်လိုက်ရသည့် မြင်ကွင်းကား ဝမ်ရိပေါ်ရဲ့ ပုခုံးထက် သူစိမ်းတစ်ယောက်ရဲ့လက်တစ်ဖက် ရောက်နေသည့် မြင်ကွင်း...။

စိတ်ရဲ့ခိုင်းစေမှုလား..နှလုံးသားရဲ့ ခိုင်းစေမှုလား..။ သတိထားမိတဲ့အချိန်ကိုရောက်တော့ သူဟာ ဝမ်ရိပေါ်ကိုဆွဲခေါ်မိခဲ့ပြီးပြီ။

သဘောမကျသော မြင်ကွင်းကို အလိုမကျခြင်းကြီးစွာ မြင်ခဲ့ရတာကြောင့်သာ သတိလက်လွတ်ဖြစ်ပြီး လက်ဆွဲခေါ်မိခဲ့ပေမယ့် ယခုနှစ်ယောက်တည်းရှိချိန်ကျ ပြောစရာစကားများမဲ့လို့။ ဘာပြောရမယ်မစဥ်းစားတတ်တော့၍ ဆိတ်ဆိတ်နေမိခဲ့တာလည်းဖြစ်နိုင်၏။

ထို့အပြင် ဝမ်ရိပေါ်ခေါ်လို့ ရပ်နေမိခဲ့ပေမယ့် ရိပေါ်ရှိရာဘက်သို့ မလှည့်ဖြစ်ခဲ့ပါ။
ကိုယ့်ကိုယ်ကို ဒီလိုလုပ်ဖြစ်မယ်လို့ မထင်မှတ်ထားခဲ့၍ ရင်အစုံမှာခုန်နေပုံက မရပ်မနားဖြစ်သောကြောင့်။

သို့သော် ရိပေါ်ရဲ့လက်ကိုတွဲထားသည်ကိုလည်း ရှောင်းကျန့်ကိုယ်တိုင်ပင်သတိမထားမိစွာ မလွှတ်ပေးမိသေးပါချေ။

"ကျွန်တော်..."

နှစ်ဦးနှစ်ဖက် တိတ်ဆိတ်နေခဲ့ကြရာမှ ရိပေါ်ဘက်က စကားသံထွက်လာသောအခါ
ဘာတစ်ခွန်းမှပြန်မဆိုပါသော်လည်း ရှောင်းကျန့်ခါးကိုမတ်လိုက်ရင်း နားထောင်ဖို့အသင့်ဖြစ်နေခဲ့သည်။

Yes,I like,you too?

37

Promoted stories

You'll also like