Yes,I like,you too?
အခန်းသည်တိတ်ဆိတ်နေသောခံစားချက်တို့ကြောင့် ထင်းလင်းခြင်းမရှိ၊ဖြူလျော့နေသလို ဖြူလွှလွှကုတင်ထက် လှဲလျောင်းနေသောကောင်လေးသည်လည်းဖြူလျော့လို့နေသည်။
အိပ်ပျော်နေဟန်ရှိသောအနှီလူကလေးသည် ဘေးနားမှသူ့အားမျက်တောင်ပင်မခတ် ပူပန်စွာစောင့်နေသောလူသားအားတမင်လျစ်လျူရှုထားလေသလား။ အေးစက်စွာ တုန့်ပြန်ချက်နည်းနည်းကလေးတောင်မှမပေးပါချေ။
ရှောင်းကျန့် ဝမ်ရိပေါ်အား ငြိမ်သက်စွာစောင့်ဆိုင်းနေမိပါ၏။
သူဘယ်လောက်စိတ်ပူနေရသလဲ သူသာသိမည်။
ဆရာဝန်က စိုးရိမ်စရာမရှိဘူး...အစားစုံသွားလို့ဗိုက်အနည်းငယ်အောင့်ရုံဟုဆိုသွားတော့မှ သူ့မယ်ဟင်းချနိုင်ခဲ့ခြင်း။ အစကမူ အသက်ပင်မရှုဝံ့သည်အထိဖြစ်ခဲ့ရ၏ဟုဆိုနေခဲ့လျှင် ဤသည်မှာလိမ်ညာနေခြင်းမဟုတ်ပါ။ ဝမ်ရိပေါ်အတွက်ဆို သူ့တွင်အတုအယောင်ဘာတစ်ခုမှမရှိသဖြင့်ပင်။
သို့သော် ကိုယ်တွေလက်တွေအေးစက်ပြီး သူ့ရင်ခွင်ထဲငြိမ်သက်နေခဲ့သောဝမ်ရိပေါ်ကို ပြန်မြင်ယောင်မိတိုင်းသူ့စိတ်တွေမအေးနိုင်ပါ။
ပင်ပန်းလို့အနားယူနေရုံလို့သာ ဒေါက်တာမပြောခဲ့ပါက ဝမ်ရိပေါ်နိုးမလာဘူးဆိုပြီး ရှောင်းကျန့်တစ်ယောက်တည်း ဘယ်လောက်ထိပျာယာခတ်နေမိမည်မသိနိုင်ပေ။
ဝမ်ရိပေါ်ကဆိုးပါသည်လေ။
တစ်နေကုန်ရယ်မောနေရာက ရုတ်တရက်...။ သူ့ကိုစိတ်ပူအောင်လုပ်ရက်သည်။
အခုထိလည်းနိုးမလာသေး။ တွေးပူရသူအဆင်ပြေလိမ့်မယ်လို့ထင်ရက်လို့လား...မပြောတတ်ချေ။သူကတော့ ဒီလူသားကလေးအမြန်ဆုံးနေပြန်ကောင်းပြီး ရယ်မောနေတာကိုပဲမြင်ချင်မိသည်။ အပြုံးတွေကသာလျှင်သူ့ရဲ့ဆုလာဘ်လို့သူပြောခဲ့တာကို သူတောင့်တခဲ့တာကို ဝမ်ရိပေါ်မသိသေး၍သာ ဒီလိုမျိုးငြိမ်နေနိုင်ခြင်းဟုမှတ်ယူပါသည်လေ။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner