Yes,I like,you too?
'ရှောင်းကျန့်?'
'ဝ...ကျိ လီ'
"ဟင်း........"
ရှောင်းကျန့် ဘာကြောင့်မှန်းမသိစွာ သက်ပြင်းအရှည်ကြီးတစ်ချက်ချလိုက်မိသည်။
တစ်ဆက်တည်း ကားနောက်မှီကိုအရှိန်ပြင်းပြင်းနဲ့ မှီချဖြစ်လိုက်ပြီး မျက်လုံးတို့အားမှိတ်ထားမိလိုက်သည်။မေ့ပျောက်ပစ်လိုက်ချင်ပေမယ့် တရတွန်းဝင်ဝင်လာတဲ့ အတွေးတွေကား သူ့အား လွတ်မြောက်ခွင့်ပေးမယ့်ဟန်လုံးဝမပေါ် ။ ဘာအကြောင်းကြောင့် ဘယ်လိုစိတ်နဲ့ဘာတွေလုပ်ခဲ့မိသလဲ ဆိုတာတောင် မသိတော့။ သူသိတာက အမှားကြီးတစ်ခုကို လုပ်ခဲ့မိသလို ခံစားနေရတယ်ဆိုတာပါပဲ။
--------
လွန်ခဲ့သော နာရီဝက်ခန့်က~ရှောင်းကျန့် ထိုနေရာမှ အမြန်ဆုံးထွက်သွားချင်တဲ့စိတ်ကလွဲပြီး ဘာမှမခံစားရတော့။
သူသိတာ ဒီအချိန်ကအခွင့်အရေးပဲဆိုတာကို။ မျက်နှာချင်းမဆိုင်ချင်(မဆိုင်ရဲ)တဲ့ တစ်စုံတစ်ယောက်ကွယ်ရာမှ ထွက်ခွာဖို့ကား သည်အချိန်သည်သာအကောင်းဆုံးပင်။ဒါ့ကြောင့်မို့ ရှောင်းကျန့် ရောက်နေပြီဖြစ်သော မိန်းကလေးကိုတောင် စကားအရှည်ကြီးတွေနဲ့ ရှင်းပြမနေတော့ဘဲ သူခေါ်ရာသာလိုက်ခဲ့ဖို့ ရည်ရွယ်ကာဆိုလိုက်ပြီး အိတ်ထဲ ချထားမိသည့်ပစ္စည်းအချို့အား ကောက်ထည့်၍ အလျင်စလိုလှည့်ထွက်ရန်ပြင်ခဲ့လိုက်ပါသည်။
သို့သော် ရှောင်းကျန့်အဖို့ တကယ်ကံမကောင်းခဲ့ပါချေ။
အိတ်ဆွဲပြီးလှည့်အထွက်မှာတင် တိုက်မိမလိုဖြစ်ပြီး မျက်နှာချင်းနီးကပ်သွားခဲ့သည်က မျက်နှာချင်းမဆိုင်ချင်(မဆိုင်ရဲ)တဲ့သူနှင့်။
နီးကပ်သွားတဲ့တစ်ချိန်တည်းမှာပင် ရင်ဘတ်ထဲက ရလိုက်တဲ့ ရှိန်းခနဲဖြစ်သွားသောခံစားချက်နဲ့အတူ ချက်ချင်းပင်နောက်ပြန်ဆုတ်မိလိုက်ပါရဲ့။
တစ်ဖက်ကသူလေးဟာလည်း ထို့အတူ။
အဲ့ဒီနောက် သူဟာကျောက်ရုပ်တစ်ရုပ်လို ကြောင်တောင်တောင်နှင့် ရှေ့ကသူကို စေ့စေ့သာရပ်ကြည့်မိတော့ကာ လှုပ်ရှား၍မရနိုင်ခဲ့။
မျက်နှာချင်းဆိုင်က ဝမ်ရိပေါ်ဆိုတဲ့သူကတော့ ချက်ချင်းပင်ခေါင်းကလေးငုံ့လွှဲကာရှောင်လို့။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner