Yes,I like,you too?
"ကျွန်တော့်အမှားပါ...ကျွန်တော်မှားတာပါ ကျွန်တော့်ကြောင့်"
"ဟုတ်တယ်...ရိပေါ်မှားတာပဲရိပေါ်"
ကျိရန်၏စကားကြောင့် မျက်လုံးဝိုင်းဝိုင်းကလေးတွေထဲမှမျက်ရည်ကြည်များသည် ရစ်ဝဲနေရာမှပါးပေါ်သို့ထပ်မံ၍စီးကျလာလေတော့သည်။ ငိုလွန်းအားကြီးလို့လည်း မျက်နှာကလေးမှာ လုံးဝနီရဲနေခဲ့ပြီ။ သို့သော်နဂိုကထက်ရင်ထဲရှင်းသွား၍ထင်သည် ရှိုက်သံလေးများမှာ နဂိုကလောက်မစိပ်တော့ပါချေ။
ထို့အပြင်ထိုသို့ငိုလေရှာသော်လည်း ရိပေါ်သည်ခေါင်းလေးတစ်ငြိမ့်ငြိမ့်နှင့်။ သူ့အပြစ်သူနားလည်ပါကြောင်း လက်ခံရှာပြီးခေါင်းငုံ့သွားလေသည်။ တော်ရုံဆိုကိုယ်ရေးကိုယ်တာအကြောင်းမပြောပြတတ်သော်လည်း ဒီကောင်လေးခမျာ ဒီတစ်ခေါက်တော့ဘယ်လောက်တောင်ပြည့်ကျပ်နေလို့သိပ်မရင်းနှီးသေးတဲ့သူလိုသူစိမ်းကိုပါဖွင့်ပြောရရှာလေသလဲတွေးမိတော့လည်းသနားမိပြန်သည်။
ဒီကောင်လေးကသူသိပ်ချစ်တဲ့သူတွေဆီကနေ သူ့လုပ်ရပ်ကြောင့်အမုန်းစကားတွေထွက်လာမှာစိုးလို့ အချစ်ဆုံးသူတွေဆီကိုတောင်အားလုံးမပြောနိုင်ဘူးနှင့်တူပါသည်။
"ရိပေါ် ကျွန်တော့်ကိုစိတ်ဆိုးသွားသလား"
"မဆိုးပါဘူး...ကျွန်တော်ကျိယန်ကိုစိတ်မဆိုးပါဘူးဗျာ ကျိရန်ကအမှန်အတိုင်းပြောပေးတာပါ ကျွန်တော်စိတ်မဆိုးရက်ပါဘူး"
တကယ်တော့ကျိရန်ကိုယ်တိုင်လည်းအနှီကောင်လေးသူ့ကိုစိတ်မဆိုးဘူးဆိုတာကိုသိပါသည်။ ခဏလေးပဲပေါင်းရသေးပေမဲ့ ဒီကောင်လေးစိတ်ထားဘယ်လောက်ဖြူစင်လောက်မှန်းသူသေချာသိနေပြီ။ ယခုပင်သူ့အပြောအပေါ်စိတ်ဆိုးသွားမည်ဟုထင်မှာစိုး၍ရှင်းပြနေတော့ သက်ပြင်းပါထပ်ချမိလေသည်။
"ရိပေါ်..."
ရိပေါ်က အပြစ်ရှိသလိုခေါင်းလေးငုံ့ထားရင်းနှင့်ပင်ခေါင်းလေးညိမ့်ပြသည်။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner