Yes,I like,you too?
"ငါလည်းမမှတ်မိဘူးဟ...ငါလည်းမနေ့ကအတော်များသွားတယ်"
"အေးလေ...ဘယ်ကောင် အားအားယားယားလက်ကမြင်းသွားလဲတွေးလို့ကိုမရနေတာ ၊ ကံကောင်းလို့ပေါ့..ငါ့ပါးကဒီနေ့ထူးဆန်းနေလို့ ၊မဟုတ်ရင် ငါအိမ်ခြေရာမဲ့ဘဝ ရောက်ရတော့မှာ"
"ဟားဟား...ကံကောင်းသွားတာပေါ့ကွာ"
"အင်းဆို..."
ဖန်ရှင်းက ရိပေါ်ရဲ့စကားကိုနားထောင်ပြီး ခေါင်းတစ်ခါခါနဲ့ရယ်သည်။
ရိပေါ်က လက်ထဲချောကလက်ပေါင်မုန့်အကြီးကြီးတစ်လုံးကိုကိုင်လို့ သက်ပြင်းတွေတချချ။ယခုရိပေါ်ဟာ ဖန်ရှင်းဆီရောက်နေတာဖြစ်ပြီး ရောက်နေရတဲ့အကြောင်းအရင်းကတော့ သေချာပေါက် အိမ်ကပါးနဲ့မားရဲ့အချစ်စမ်းပွဲကို ရှောင်ချင်လို့ဖြစ်ပါ၏။
သိတဲ့အတိုင်း မားဟာပါးကို အတော်လေးစိတ်ဆိုးနေသည်လေ။
ဒါကြောင့်မို့ စိတ်မကြည်နေတာနဲ့တစ်ဆက်တည်း ဘယ်အချိန်ရိပေါ်ဘက်လှည့်လာမလဲ မသိနိုင်တာမို့ လွတ်ရာပြေးလာခဲ့ခြင်းသာ။မားကပုံမှန် အချိန်ဆိုလျှင် အင်မတန်မှသဘောချိုလှပေမယ့် စိတ်တိုလာရင်တော့ သူများထက်နှစ်ပြန်ဆိုးတာမို့ ရိပေါ်တကယ်ကြောက်ရသည်။ နောက်ပြီး မာမားစိတ်တိုနေတာကိုမြင်ရတဲ့အခါတိုင်းလည်း ရိပေါ်မှာစိတ်မကောင်းအမြဲဖြစ်ရတာကြောင့် မာမားမျက်နှာမကောင်းဖြစ်နေသည်ကို မတွေ့ချင်တာလည်းပါသည်ပေါ့။
ဒါ့ကြောင့် အားနေတာနဲ့အတူတူ ရေချိုးပြီးကတည်းက ဖန်ရှင်းဆီထွက်လာခဲ့လိုက်တာပင်။ နောက်ပြီး ဒီနေ့က တနင်္ဂနွေနေ့မို့ ဖန်ရှင်းတို့ရုံးကပိတ်တာကြောင့်လည်း ပါသည်ပေါ့။
ဖန်ရှင်းတို့ရုံးပိတ်သည်ဆိုမှ bonus လစာလေးအား ရုတ်တရက်တွေးမိရင်း ရိပေါ်မှာစိတ်မကောင်း။ရှင်းရမည်ဆိုလျှင် bonus လစာဆိုတာက သူတို့ရုံးရဲ့အစဥ်အလာအရ တရားဝင်သတ်မှတ်ထားတဲ့ပိတ်ရက်တွေမှာ အလုပ်မနားဘဲ အလုပ်လာတဲ့သူတွေကို ချီးမြှင့်တဲ့ အပိုဆုကြေးဖြစ်သည်။ တရားဝင်ပိတ်ရက်ကို တနင်္ဂနွေနေ့ဟုသတ်မှတ်ထားပြီး ထိုနေ့တွေမှာပါအလုပ်သွားလျှင် တစ်ရက်အတွက် ၇၅ယွမ်နှုန်းနဲ့ ၅ရက်ရှိလို့ ၅ရက်စလုံးလာလျှင် ၃၇၅ယွမ်တောင်ပိုပေးတာဖြစ်သည်။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner