Yes,I like,you too?
ယနေ့ရိပေါ်ဟာတက်တက်ကြွကြွပါပဲ။ မကြာခင်လုပ်ရတော့မယ့် အလုပ်ရဲ့အခန်းကဏ္ဍအသစ်အကြောင်းတွေးမိပြီးလည်း သူ့မယ် စိတ်လှုပ်ရှားလို့မဆုံး။
ဘာလို့ဆို ဒီတစ်ခုသာအောင်မြင်ရင် ဘာပဲဖြစ်ဖြစ် လူမှုရေးဆိုင်ရာ ရာခိုင်နှုန်းတွေ အမှတ်တိုးလာနိုင်မှာသေချာတာကြောင့်။နောက်ပြီး အသစ်အဆန်းတစ်ခုကိုလုပ်ရတော့မည်ဆိုလေတော့ လူ့သဘာဝသဘောအတိုင်းတက်ကြွလန်းဆန်းလျက်သာပဲပေါ့။
ဒါ့ကြောင့် ယနေ့ရိပေါ်ဟာ အိပ်ယာကို ပထမအကြိမ်မြောက်အလန်းမှာတင် ထူးခြားစွာနိုးလာခဲ့သလို အစောကြီးထပြီး အလုပ်သွားဖို့ပြင်နေလို့ဆိုပြီး မားမားက အံသြတကြီးနဲ့ ချီးကျူးတာကိုလည်း ခံခဲ့ရပါသေးတယ်။ အဲ့ဒီအပြင် မနက်စာထမင်းဝိုင်းမှာ ပါပါးက အကောင်းမြင်ပြီး ပိစိသေးသေးလေးကောင်းပြနေတာကိုလည်းမြင်ခဲ့ရပြီး အလုပ်ကိုလည်း ပြာပြာ ပြာပြာနဲ့ သွားစရာမလိုခဲ့တာကြောင့် အေးအေးဆေးဆေးစိတ်လက်ချမ်းသာစွာနဲ့ အလုပ်ဆီရောက်လာခဲ့တာမို့ စိတ်တွေကကြည်လင်နေသည်ပဲ။
ဒီတော့ အလုပ်ကိုစောစောရောက်တဲ့ရိပေါ်က လုပ်စရာရှိသေးတဲ့ အလုပ်အနည်းငယ်ကို စိတ်လက်ရွှင်မြူးစွာ ကြိုးစားလုပ်ရင်း နာရီတကြည့်ကြည့်နဲ့ customer လာမည့်အချိန်ကို တမျှော်မျှော်သာလုပ်နေမိပါတော့ရဲ့။
Customer ကညနေ၂နာရီမှာရောက်မယ်လို့ အစ်မကြီးကပြောခဲ့ပြီး customerဘက်နဲ့ဆိုင်တဲ့အချက်အလက်တချို့ကိုသူ့အားပေးခဲ့တာမို့ ဒါတွေကိုသာ ပြန်ပြန်လှန်လှန်ကြည့်ရင်း မိတ်ဆက်သင့်တဲ့ ပစ္စည်းတွေကိုစဥ်းစားကာမှတ်ထားဖြစ်လိုက်တော့တယ်။
ဒီလိုနဲ့တစ်ချိန်ပြီးတစ်ချိန်ဟာရွှေ့ပြောင်းပြီး နေ့လည်စာစားချိန်ကိုတောင် ရောက်လို့လာခဲ့ဖြစ်ပါရဲ့။ ခါတိုင်းလို ကျဲရွှမ်လုကပဲသူ့ကိုလာခေါ်ခဲ့ပြီး စားသောက်တန်းလျားမှာ ထမင်းတူတူစားဖြစ်ကြကာ စကားတပြောပြောနဲ့ပဲ အချိန်တွေကိုသူစိတ်လှုပ်ရှားစွာဖြတ်သန်းဖြစ်လိုက်ပါတော့တယ်။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner