Yes,I like,you too?
"ရိပေါ်...ဒီဘက်ကိုလာခဲ့"ထိုစကားကား ရှောင်းကျန့်ကိုကျော်ကြည့်ပြီး ဆိုလာခြင်းပင်။
ရှောင်းကျန့် မိမိနောက် ကားပေါ်တွင်ထိုင်နေသည့် ကောင်လေးကို ခပ်ငဲ့ငဲ့လေးစောင်းကြည့်မိလိုက်တော့ အိပ်ချင်မူးတူးနှင့်ရိပေါ်မှာ မျက်လုံးကလေးပွတ်လျက်ရှိတုန်း။
ရှောင်းကျန့်စိတ်နဲ့ ရှောင်းကျန့်ကိုယ်သာဆိုလျှင် မည်သူခေါ်ခေါ် ဝမ်ရိပေါ်ကိုမလွှတ်ပေးဘဲ ဝမ်ရိပေါ်အလိုကျ ဆက်အိပ်နေစေမှာဖြစ်သော်လည်း သို့သော် သူ့ကိုခေါ်သည့်သူကား သူ၏ဖခင်ဖြစ်နေသည့်အတွက် မလွှတ်ပေးလို့မဖြစ်ခဲ့ပါချေ။
ရိပေါ်၏အဖေဖြစ်သူနှင့် ရှောင်ကျန့်တစ်ခါမှ မတွေ့ဆုံဖူးပါ။ ယခုအခေါက်သည် ပထမဦးဆုံးအကြိမ်ဖြစ်လောက်မည်။
ရိပေါ်တို့အိမ်ရှေ့အရောက်အိပ်ပျော်နေသော လူကလေးကို နှိုးဖို့ ဒါမှမဟုတ် မနိုးခဲ့လျှင် ကူတွဲခေါ်ဖို့ ကားပေါ်ကအဆင်း အိမ်ထဲမှထွက်လာသော မိဘတို့ကိုတွေ့ ခဲ့ကြရာမှ ယခုသို့မျက်နှာချင်းဆိုင်ဖြစ်ကြခြင်း။
သို့သော် ယခုထက်ထိ ဝမ်ရိပေါ်၏အဖေဘက်က နှုတ်ဆက်စကားဆိုလာတာမျိုးမရှိ။
အန်တီမိတ်ဆက်ပေး၍ ရိပေါ်ရဲ့အဖေမှန်းသိသောအခါ လက်ဆွဲနှုတ်ဆက်ဖို့ သူ့ဘက်က ဦးစွာလက်ကမ်းပေးခဲ့သည်တောင် ပြန်လည်ကမ်းပေးခြင်းမရှိသည့် ဦးလေးကား သူ့ကိုသဘောမကျကြောင်း သူသိလိုက်သည်။ အဘယ်ကြောင့်လည်းတော့မသိပေ။ ယခုမှတွေ့ဖူးခြင်းဖြစ်သည်နှင့်အညီ မကျေနပ်ချက်များရှိနေမည်ဆိုတာ မဖြစ်နိုင်သော်လည်း ဦးလေးဟာ သူ့အပေါ်ကြည်ပုံလုံးဝမရပါချေ။သူနှင့် ဝမ်ရိပေါ်တို့ကြားကဆက်ဆံရေးကို သိသလား မသိဘူးလားဆိုတာလည်း သူမသိပါ။ အကယ်၍ ထိုကိစ္စအတွက်သဘောမကျသည်မျိုးဖြစ်သည်ဆိုလျှင်တော့ ပိုလို့တောင်အချင်းများရတော့မည်။
ရှောင်းကျန့်အတွက် ဝမ်ရိပေါ်မှလွဲလို့ ဘယ်အရာကမှအာရုံထဲမရောက်နိုင်သည်မို့။
ကျန်သောသူများမှာ မည်သူဖြစ်နေပါစေ၊ ငဲ့ကွက်ဖို့ စိတ်ကူးလုံးဝမရှိပါလေ။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner