Yes,I like,you too?
"ရှောင်...ရှောင်းကျန့်...."
အားလျော့ဝမ်းနည်းနေသည့် ဝမ်ရိပေါ်၏အသံငယ်ငယ်သည် တိတ်ဆိတ်နေသော ဤအခြေအနေကိုဖြိုခွင်းသွားလေသည်။
မျက်လုံးကလေးများဝိုင်းစက်ကာ ဆွံ့အတုန်လှုပ်သွားပုံရသော ဝမ်ရိပေါ်ရဲ့အမူအရာဟာ ကသိကအောက်ဖြစ်ဖွယ် တွေ့ဆုံမှုတစ်ခုအတွက် ပို၍ခြောက်ခြားစရာဖြစ်စေ၏။
ရှောင်းကျန့်၏အကြည့်တို့သည့် အိမ်ထဲမှထွက်လာသော ဝမ်ရိပေါ်တို့ဆီ။
ပါး၏အကြည့်တို့သည် ရှောင်းကျန့်ဆီ။
ဝမ်ရိပေါ်ရဲ့အကြည့်တို့မှာမူ ပြာနှမ်းပြီး ကြယ်မြင်လမြင်ဖြစ်လို့နေပြီ။အကြည့်ချင်း စစ်တိုက်နေတုန်း အိမ်ထဲကနေ ထွက်လာသော ဝမ်ရိပေါ်နှင့် သူ့အမေအား တွေ့လိုက်ရသော သကာလမှာ ရှောင်းကျန့်ဟာ အာရုံကိုနေရာလွှဲပြီးလေပြီ။
ထိုအခါ လောကကြီးကိုအဖတ်မလုပ်သလို မျက်နှာထားကနေ ချိုချိုမြမြ သကြားခဲကလေးလို နူးညံ့စွာပြောင်းလေ၏။ထိုစဥ်အခြေအနေကိုဘယ်လိုဖြေရှင်းရမလဲလို့ အသည်းအသန်တွေးနေသော ဝမ်ရိပေါ်ကတော့ ခေါင်းရုတ်တရက်ကိုက်ခဲလာပြီး နှာစေးချောင်းဆိုးပင်ထဖြစ်ချင်လာ၏။
ပါးကရိပေါ်ကို စူးစူးစိုက်စိုက်ကြီးကြည့်နေသည်။
ထို့နောက် သူ့ကိုချိုချိုပြုံးပြုံးကလေးကြည့်နေသော ရှောင်းကျန့်ဘက်ကို စူးစူးစိုက်စိုက်ကြီးကြည့်ပြန်၏။ထိုအခါ ပါးရဲ့အကြည့်တွေနဲ့ပင် ခွေကျတော့မလိုဖြစ်နေတဲ့ ရိပေါ်မှာ ကြောက်အားလန့်အားကြီးလို့ ခေါင်းပင်မူးချင်လာခဲ့ပြီ။
ရှောင်းကျန့်က ဘာလို့အစောကြီးရောက်လာရသလဲ။
မဟုတ်...ရှောင်းကျန့်မမှား...ရှောင်းကျန့်ကိုဘယ်အချိန်လာလို့သူမှမပြောခဲ့ဘဲ။
တကယ်ကသူ့အမှား..သူသာအိမ်ထဲကထွက်တော့မည့်ပါးကို အတင်းဆွဲထားလိုက်ရင်
ဒါတွေဖြစ်လာမည်မဟုတ်။ သူ့အမှား။ တကယ့်အမှားကြီးပဲ။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner