Yes,I like,you too?
ရှောင်းကျန့် ကားကိုရပ်လိုက်ပြီးနောက် ကားပေါ်ကမဆင်းခင် ဆိုင်နာမည်အမှန်ဖြစ်မဖြစ်ဆိုတာ သေချာအောင် နောက်တစ်ခေါက်ထပ်ကြည့်လိုက်သည်။
ဝမ်ရိပေါ်ပြောသည့်ဆိုင်နာမည်နှင့် ထပ်တူညီပြီး တိကျသည်ဆိုမှ ကားစက်သတ်ပြီးဆင်းလိုက်သည်။ပတ်ဝန်းကျင်ကတော့ မြို့တွင်းမှာပဲဖြစ်သည်မို့ ည၈နာရီရှိပြီဖြစ်သည့်တိုင်အောင် လူမစဲပေ။ ပလက်ဖောင်းလမ်းတစ်လျှောက် လူများသွားလာလှုပ်ရှားနေသေးဆဲဖြစ်သလို
လမ်းတစ်လျှောက် ဆိုင်များမှမီးရောင်စုံ လမ်းမီးတိုင်များမှ မီးရောင်စုံတို့နှင့် မြို့တော်ကြီးကအသက်ဝင်နေသေးသည်။ရှောင်းကျန့်ဆိုင်ထဲသို့ဝင်လာလိုက်သည့်အခါ အရင်ဆုံးဦးကြိုသည်က အသားကင်နံ့ ခပ်မွှေးမွှေးဖြစ်ပြီး လူအများအပြား၏ ဝေလေဝါးလားဆူညံသံများကလည်း သူ့အကြားအာရုံထဲသို့ တမဟုတ်ချင်း တိုးဝင်လို့လာ၏။
ဝမ်ရိပေါ်ကို တွေ့လိုတွေ့ငြား ဆိုင်တစ်လျှောက် ဝေ့ဝဲ လိုက်ကြည့်မိပေမယ့် မတွေ့။
ထို့ကြောင့် အနည်းငယ် ဇဝေဇဝါဖြစ်သွားခဲ့ပေမယ့် မရှိဘူးဆိုတာ မသေချာသေးတာကြောင့် လာကြိုဆိုတဲ့ ဝန်ထမ်းကို လက်ကာပြပြီး ကိုယ့်ဖာကိုယ်သာ တစ်ဝိုင်းကျော် တစ်ဝိုင်းဖြတ်ရင်း လိုက်ရှာမိတော့၏။"ဒီမယ် ဖန်ရှင်း ငါပြောပြမယ် ၊ ဒီမိုကရေစီဆိုတာကကွာ လွတ်လပ်စွာပြောဆိုပိုင်ခွင့် လွတ်လပ်စွာ ဝေဖန်နိုင်ခွင့်ရှိခြင်းကို ဆိုလိုတာမလားကွ "
ဆိုင်တစ်လျှောက်ပတ်ကြည့်နေတုန်း ချောင်ကျတဲ့ ထောင့်စွန်းတိုင်အကွယ်ဘက်မှ သူ့ထံလာတဲ့ အသံကလေးကိုကြားလိုက်ရတာကြောင့် ရှောင်းကျန့်၏ခြေလှမ်းတို့မှာ တုန့်ခနဲရပ်သွားရသည်။ အနောက်သို့ပြန်လှည့်ပြီး ခပ်ဖြေးဖြေးထိုနေရာဆီသွားမိတော့ ဦးဆုံးတွေ့ရသည်ကား ဝမ်ရိပေါ်အနား တွေ့ရလေ့ရှိတဲ့ ကုမ္ပဏီကအမျိုးသမီးနှစ်ဦးကို။
ထို့နောက်ထပ်ပြီးကပ်သွားတော့ ဝိုင်းကာ ထိုင်နေကြသည့် အခြားလူများပါတွေ့လာရပြီး နောက်ဆုံးမှ ရင်းနှီးနေခဲ့သော ကျောပြင်ကလေးနှင့် ခေါင်းလုံးလုံးကလေးအား မြင်တွေ့ ခွင့်ရခဲ့လေတော့သည်။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner