Yes,I like,you too?
"ဝမ်ရိပေါ်....ငါလေ..."
"အင်း"
"ငါလေ တကယ်မင်းဘဲကြီးကို နားမလည်တော့ဘူး"
"ငါ့..ငါ့ဘဲမဟုတ်တော့ပါဘူးလို့"
"အေးကွာ...မင်းဘဲဟောင်းကြီးကိုပြောတာရပြီလား အရေးထဲ"
ဖန်ရှင်းကဆူတဲ့ဟန်နဲ့ အော်လိုက်သောအခါ ဝမ်ရိပေါ်က သူရဲ့ နှုတ်ခမ်းလေးကိုအသာမဲ့ကာခေါင်းငုံ့လို့သွားသည်။
ထိုအခါတော့ဖန်ရှင်းတစ်ယောက်ဟာဆိုရင်ဖြင့် သက်ပြင်းတွေထပ်ချရပြန်၏။
ဖန်ရှင်းမှာလည်း ဘယ်လိုအကြံပေးရမယ်ဆိုတာမသိတော့။တစ်ဖက်ကသူက ဝမ်ရိပေါ်ကိုမုန်းနေတာလား ဘာလားဆိုတာတောင် သူ့မယ်မခွဲခြားတတ်တော့ချေ။ ဝမ်ရိပေါ်ပြောပြသလောက်ကိုကြည့်ရတာကတော့ ရှောင်းကျန့်က မုန်းနေတဲ့ပုံစံနှင့်ဖြစ်ပေမယ့်လည်း တခြားပုံစံနဲ့ပြန်တွေးကြည့်တော့ တစ်မျိုးဖြစ်သွားတတ်ပြန်သည်။ သေချာတွေးကြည့်ရင် ဝမ်ရိပေါ်အပေါ်ဆိုးရွားတာ တစ်ခုမှလေးတောင် လုပ်တာမတွေ့ရသေးဘူး မဟုတ်ပါလား။
ဒါမှမဟုတ် သူကပဲအတွေးတွေလွန်နေမိတာလားမသိ။ ဒီသူငယ်ချင်းစုံတွဲနှစ်ယောက်နဲ့ဖန်ရှင်း ဘာလုပ်ရမယ်ဆိုတာကိုတောင် တကယ်မဝေခွဲတတ်တော့ပါဘူး။
"ရိပေါ်"
"အင်း"
"အဲ့တော့ မင်းက အတူတူသွားချင်တာလားမသွားချင်တာလား?"
ဖန်ရှင်းဝမ်ရိပေါ်ရဲ့ဆုံးဖြတ်ချက်ကိုကြားချင်သေးတာမို့ မေးကြည့်လိုက်တဲ့အခါ ရိပေါ်ဟာတွေဝေသွားဟန်ဖြင့်
"ငါ...ငါမသိဘူး"
"ဟမ်?"
"ငါ...သူ့ကိုတွေ့ရမှာကြောက်ပေမယ့် သူနဲ့...သူငယ်ချင်းတော့ဖြစ်ချင်သေးတယ် ဖန်ရှင်း"
"...ရိပေါ်"
"ငါသူနဲ့မိတ်ဆွေအဆင့်မှာတော့ဆက်နေကြည့်ချင်သေးတယ်။ သူငါ့ကိုမုန်းနေတာကို ငါ့ရဲ့စိတ်နဲ့နှလုံးသားက လက်မခံနိုင်သေးဘူးမို့ သူ့ကိုမချစ်ရတော့ရင်တောင် ခင်မိချင်နေသေးတယ် ထင်တယ်"
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner