Yes,I like,you too?
"ဝမ်ရိပေါ်... ... ..."
ဝမ်ရိပေါ်ကကြောင်စီနေသောမျက်ဝန်းများဖြင့်ဖန်ရှင်းအားလှည့်ကြည့်လာခဲ့သည်။ ကျန်းဖန်ရှင်းကတော့မောင်းထွက်သွားသောကားကိုတစ်လှည့် ဝမ်ရိပေါ်ကိုတစ်လှည့်ကြည့်နေမိခဲ့သည်မှာ ထူးဆန်းအံ့သြဖွယ်ရာတစ်ခုခုအားမြင်လိုက်ရသလိုပင်။
ကျန်းဖန်ရှင်းသည်ရုတ်တရက်ဆန်လွန်းသောမြင်ကွင်းတစ်ချို့ကြောင့် မိမိဦးနှောက်ပျက်ပြီးထင်ယောင်ထင်မှားတွေများမြင်မိသလားလို့ပင်အထင်မှားသွားရသေးသည်။ သို့သော် လက်ချောင်းကလေးများကိုဆုပ်ချည်ဖြန့်ချည်လုပ်ရင်းမျက်တောင်ကလေးများကိုတဖျတ်ဖျတ်ခတ်လို့ စကားအစရှာမရဖြစ်နေတဲ့သကောင့်သားလေးဝမ်ရိပေါ်ကိုမြင်လိုက်ရသောအခါ သူမြင်လိုက်ရသမျှသည် သူစိတ်စွဲလွန်းသောကြောင့်ထင်ယောင်ထင်မှားဖြစ်နေခြင်းမဟုတ်ကြောင်းနားလည်လိုက်တော့သည်။
သူမြင်လိုက်တာမှန်သည်။ အမှိုက်ပစ်ဖို့အမှိုက်အိတ်နှစ်ထုပ်ကိုတစ်ဖက်တစ်ချက်ဆီမှဆွဲရင်းတိုက်အောက်ဆင်းလာချိန်တွင် ရင်းနှီးရုံသာမကဘယ်တော့မှမေ့မှာမဟုတ်သည့်မျက်နှာမောင်းနေသည့်ကားပေါ်မှ သူ့သူငယ်ချင်းဝမ်ရိပေါ်တစ်ယောက်အူတူတူမျက်နှာပေးနှင့်အတူဆင်းလာခဲ့သည်ကိုသေချာပေါက်မြင်လိုက်ရခြင်းပင်။ နောက်တော့ကားပေါ်မှလူကတစ်ခုခုပြောသည်ထင် ဝမ်ရိပေါ်ကငူငူကြီးကြည့်ပြီးတလှုပ်လှုပ်ခေါင်းညိမ့်ပြပြီးနောက် ကားသည်လည်းမောင်းထွက်သွားတော့သည်။ အစကတော့ကားမောင်းသူအားတခြားတစ်ယောက်ယောက်လို့ထင်ခဲ့သေးသော်လည်း သူမှားမြင်လိုက်တာပဲဆိုပြီးထင်မှတ်လိုက်သေးသော်လည်း ယခုတော့သူအထင်လွဲခြင်းမဟုတ်မှန်းသေချာသိလိုက်ပြီဖြစ်သည်။
ဖန်ရှင်းလက်ထဲမှအမှိုက်အိတ်နှစ်ထုပ်အား အမှိုက်ခြောက်အမှိုက်စိုဟုပင်သေချာခွဲမနေနိုင်တော့။ တွေ့ကရာပုံးထဲသာဖြစ်သလိုပစ်ထည့်ပြီးဝမ်ရိပေါ်အားအမြန်ဆွဲခေါ်မိတော့သည်။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner