Yes,I like,you too?
ရိပေါ် ရဲ့ကံအကောင်းဆုံးနေ့ကိုပြောပါဆိုရင် ဒီနေ့လို့ပြောရပါမလား?
ဒါမှမဟုတ် အပျော်ရွှင်ရဆုံးနေ့လို့ ခေါင်းစဥ်တပ်လိုက်ရင်ကောင်းမလားဆိုတာကို
တကယ်မသိတော့ပါချေ။လတ်တစ်လောအတွက် ရိပေါ်ရဲ့ခေါင်းသေးသေးလေးထဲ တွေးတတ်တာကတော့
ပျော်မိလွန်းလို့ အပျော်တွေ ရင်ထဲမဆံ့တော့သဖြင့် ပေါက်ထွက်ချင်သလိုပင် ဖြစ်နေပါသော ခံစားချက်တို့ကို ဘယ်လိုမျိုး ဖော်ပြပြီးဖွင့်ထုတ်ရမလဲဆိုတာသာဖြစ်၏။ရယ်နေမိတာကိုလည်းရပ်လို့မရ ၊ ပြုံးနေမိတာကိုလည်း တားလို့မရ ။
ခန္ဓါကိုယ်တစ်ခုလုံးဟာပင် သူ့ရဲ့ထိန်းချုပ်မှုအောက်မရှိတော့သလို။အပျော်တွေက ထိုမျှတောင်ဖြစ်နေပါရဲ့။
နောက်ပြီးသူမပျော်ဘဲ နေနိုင်ပါရိုးလား?
ပေါက်တဲ့ကံစမ်းမဲကို ကြည့်ကြည့်ပါ။
ဆုတွေထဲမှာမှအကြီးဆုံးဖြစ်သတဲ့။ အဲ့ဒီဆုကိုမှသေချာထပ်ကြည့်လိုက်ပါ။
ရိပေါ် သဘောကျပြီး မျက်စိကျနေတဲ့ Yamaha 2018ထုတ် N6 နဲ့ ရရင်ကောင်းမယ်လို့တွေးနေခဲ့တဲ့ အဝတ်လျှော်စက်ကြီး ဖြစ်ပါသတဲ့!ရိပေါ်ဟိုတစ်လောကတင် ဒီ ဆိုင်ကယ် ဝယ်ဖို့အတွက် ပိုက်ဆံစစုမယ်ဆိုပြီး overtimeတွေပါဆင်းပြီး အလုပ်လုပ်ထားတာ မဟုတ်လား။ တွေးထားခဲ့တာကပုံမှန်အလုပ်လေးရှိသွားတဲ့အခါ ပုံမှန်လစာပြပြီး ဘဏ်ကနေငွေချေးပြီး အရစ်ကျဝယ်ဖို့ဟု။ ယခုတော့ အပင်ပန်းခံစရာတောင်မလိုတော့ပါ။ ဘယ်လိုတောင်ကံကောင်းနေမှုလဲ ရိပေါ်မသိ။
ထို့ကြောင့် ပျော်လွန်း၍ ဘာလုပ်ရမလဲမသိတော့ဘူးဖြစ်နေတာသာ ကြည့်ပါတော့။
ယခုမယ်လည်း ဆုတက်ယူပြီးတည်းက ရလာသော ဆုလတ်မှတ်ကိုတကြည့်ကြည့်နဲ့ရိပေါ်ဟာ ပြုံးလို့မဆုံးသေးပါချေ။
ကံစမ်းမဲ ပေးတဲ့ ရုံးရဲ့အကြီးအကဲကိုတောင် သတိတရ စိတ်ထဲမှကျေးဇူးလှမ်းတင်လိုက်ပါသေးတယ်။ ဘယ်လိုပဲဖြစ်ဖြစ် ထိုသူကံစမ်းမဲဖောက်ပေးခဲ့လို့ သူအခုလိုရတာမဟုတ်လား။ နောက်ပြီး သူလိုချင်တာတွေကိုသိနေတဲ့အတိုင်း ထည့်ပေးထားသလိုတောင် ထင်မှတ်ရမတတ်။ တကယ်ကြီးကို အကြီးအကဲကသဘောကောင်းလွန်းမယ့်ပုံပဲ။ ဖြစ်နိုင်ရင် လူချင်းတွေ့ပြီးသာ ကျေးဇူးတင်လိုက်ချင်ပါတော့တယ်။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner