Yes,I like,you too?
"......"
ဖုန်းနံပါတ်ကား နံပါတ်စိမ်းတစ်ခု ။
မထင်မှတ်ထားစွာနဲ့ ဆက်သွယ်လာပြီလားလို့တွေးရင်း ရိပေါ်ရဲ့ ရင်ဘတ်အစုံမှာ တဒုတ်ဒုတ်နဲ့ခုန်လာခဲ့ပြီ။ ထိုသို့ ရင်မခုန်သင့်မှန်းသိပေမယ့် သူ့ကိုမြင်ရင်တောင်မဟုတ်၊ နာမည်ကြားရင်တောင် စိတ်လှုပ်ရှားတတ်တဲ့ကိုယ့်ကိုယ်ကိုမှ ထိန်းမရနိုင်တာ ။ သူဘယ်လိုလုပ်ရပါ့။
ဒါ့ကြောင့် သူဟာ ကြောက်လို့ဟူ၍သာ နာမည်တပ်မိပါတော့သည်။
ရှောင်းကျန့်က တကယ်ပဲဖုန်းခေါ်လာခဲ့တာလား။ ဒါဟာ တကယ်ကြီးပါလား အိပ်မက်လားဆိုတာကိုတောင် သူ့မှာမသိနိုင်တော့။ အံ့သြကာအတွေးများရင်း ဖုန်းကလေးကိုသာ ငြိမ်လျက်ကြည့်မိနေတော့၏။
ဖုန်းကလေးက တုန်ခါနေတာ တော်တော်နဲ့မရပ်သွားခဲ့သလို ရိပေါ်ဟာလည်း ဖုန်းကိုင်ဖို့ကိုမေ့လျော့လို့။ ဟိုတွေးသည်တွေးနဲ့ ထိတ်လန့်နေခဲ့မိပြီး နောက်ဆုံးမှ အသိဝင်ပြီး ဖုန်းကျမသွားခင် အလျင်အမြန်ပဲ အစိမ်းရောင်ခလုတ်လေးကိုအပြေးနှိပ်လိုက်ရသည်။
"ဝေ.."
ဖုန်းဝင်ဝင်သွားချင်းမှာပဲ သူတိုးညှင်းစွာမေးလိုက်မိသည်။
"....ဝေ..Xing pizza companyကမဟုတ်လားဟင်?"
"ဟမ်?...ပီ...ပီဇာ? "
"ဟုတ်တယ်လေ..."
"မ..မဟုတ်ပါဘူး"
"မဟုတ်ဘူးလား? သေချာပါတယ်...ဒီဖုန်းနံပါတ်ကိုသေချာမှတ်ခဲ့တာကို"
"သေချာပါတယ်ဗျ...ပီဇာ ကုမ္ပဏီကမဟုတ်ပါဘူးနော်၊ ဖုန်းမှားနေပါတယ်"
ရိပေါ် ကိုယ့်စိတ်ကိုယ်မနည်းထိန်းရင်း ဖုန်းကိုပြန်လည်ဖြေဆိုပေးပြီးတဲ့နောက် တစ်ဖက်ကပြန်ပြောလာမည်ကိုတောင် စောင့်မနေတော့ဘဲ တိခနဲမြည်အောင်ပင် ချပစ်လိုက်မိပါတော့သည်။
တစ်ဆက်တည်း မတရားလည်းစိတ်ညစ်သွားခဲ့သလို ရိပေါ်ရဲ့မျက်နှာကလေးမှာလည်း ပြိုတော့မယ့်မိုးလို။ ဘယ့်နှယ့် အကြီးအကျယ်တွေ မျှော်လင့်စောင့်စားနေရပါသည်ဆို ပီဇာဆိုင်နဲ့ လာမှားနေကြတဲ့သူတွေကရှိသေး။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner
