Yes,I like,you too?
"အန်ကယ်ရယ်...ဒီနေရာမှာအန်ကယ့်သားလေးလို့သာဖြည့်တွေးကြည့်နိုင်ခဲ့ရင်...အန်ကယ်ခွင့်လွှတ်လိမ့်မယ်မဟုတ်ဘူးလားဗျာ"
"ငါ့ရဲ့သား...ဟုတ်သလား မင်းတို့ပါးစပ်ကငါ့သားနာမည်ကိုများထွက်ရဲသေးသတဲ့လား ထွက်သွားစမ်းကွာ!"
"မဟုတ်ဘူး ကျွန်တော်ဆိုလိုတာကအဲ့လိုမဟုတ်ပါဘူး...ကျွန်တော် ကျွန်တော်က ဒီအတိုင်းဖြစ်နိုင်မယ်ဆို..."
"မင်းပါးစပ်ကိုပိတ်ထားလိုက်ပါတော့ ငါ့ကိုစိတ်ဒဏ်ရာပေးရုံတင်အားမရဘဲ ငါ့ရဲ့သားကလေးကိုပါဆွဲသွင်းကြဦးမလို့လား ပြတ်တယ်မဟုတ်လား အဆုံးထိပြတ်ကြစမ်းပါ...ဘာဖြစ်လို့များဆက်ပြီးကပ်တွယ်နေကြသေးတာလဲ ဟမ်"
"ကျွန်တော်...ကျွန်တော်တောင်းပန်ပါတယ်ဗျာ ကျွန်တော်က..."
"မတောင်းပန်ပါနဲ့ မလိုပါဘူး မလိုပါဘူး"
အစ်ကိုခွမ်းနဲ့ပါပါးရန်ဖြစ်ပြီးသုံးရက်မြောက်နေ့တွင် အစ်ကိုခွမ်းရဲ့ချစ်သူကောင်လေးကပါပါးရဲ့ခွင့်လွှတ်မှုကိုရရှိနိုင်ရန်အတွက် ပြန်လာခဲ့ပုံရသည်။
လက်ခံပေးဖို့ ကျိုးနွံစွာတောင်းပန်ဖို့ကြိုးစားခဲ့ပုံရသည်။ သို့သော် ပြန်လည်ရရှိလိုက်သည်က ရိပေါ်တစ်ခါမှမကြားဖူးသော ပါပါး၏ရင့်ရင့်သီးသီးစကားချက်တွေ။
စိတ်တအားရှုပ်နေသလိုမျက်ဝန်းတွေနဲ့ စိတ်ပျက်သလိုလေသံတွေ။ပါပါး၏မာနကပါပါးအပေါ်တအားလွှမ်းမိုးထားခဲ့လေသလား။ ပါပါးသည်တစ်ချက်ကလေးမှပျော့ညံ့နေခြင်းအလျင်းမရှိခဲ့။
ထို့ထက်ပိုဆိုးခဲ့သည်ကား တစ်ဖက်လမ်းထောင့်မှငြိမ်ငြိမ်လေးရပ်ကြည့်နေခဲ့သော ရိပေါ်အားသတိထားမိသွားခဲ့ခြင်းပင်။
ပါပါးသည် အဝေးကနေလှမ်းကြည့်ရင်း မျက်ရည်များဝိုင်းနေသောရိပေါ်အားနီရဲနေသောမျက်ဝန်းများဖြင့်လှည့်ကြည့်လာခဲ့ပြီးခေါ်လာခဲ့သည်။
"ဝမ်ရိပေါ် ဒီကိုလာခဲ့"
အပြောနဲ့တင်မဟုတ်...အနားထိတိုးလာပြီး လက်ကိုအတင်းဆွဲခေါ်ခဲ့ပါ၏။
ရိပေါ်တအားကြောက်နေပါသော်လည်း ပိုပြီးစိုးရိမ်လာခဲ့ပါသော်လည်း ဘာမှမပြောနိုင်ဘဲပါပါး၏လက်ထဲပါသွားခဲ့သည်မှာတောင့်တောင့်ကလေး။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner