Yes,I like,you too?
ကားအဲယားကွန်းထံမှ လေသံကလွဲလို့အသက်ရှုသံလေးတစ်ခုတောင် မကြားရ။
နောက်ကားအတွင်းလေထုကလည်း အေးစက်စက်နိုင်လာပြီ။ယွီပင်းတစ်ယောက်မှာလည်း ကားမောင်းရင်း နောက်ကြည့်မှန်နဲ့ အနောက်ခန်းကလူသားနှစ်ဦးကိုအကဲခတ်လို့မဆုံး။ အနောက်က လူသားနှစ်ဦးဟာလည်း ကားပြတင်းပေါက်တစ်ဖက်တစ်ချက်ဆီကို အနှစ်နှစ်အလလ ဝေးကွာနေခဲ့ရတဲ့ ချစ်သူတွေလို အတင်းတွယ်ကပ်ပြီးတိုးလို့မဆုံး။
ယွီပင်းတကယ်လန့်သွားခဲ့တာပင်။ အမှန်ပြောတာ! ဥက္ကဌရှောင်းအခုလို အသံမာမာနဲ့အော်တာ ပထမဆုံးပါပဲ။ အလုပ်သင်လျှောက်တဲ့ကိစ္စတုန်းကလည်း ဆူတော့ဆူပေမယ့် ယခုလိုမှမဟုတ်တာ။ နောက်ပြီး ဥက္ကဌရှောင်းက အနေအေးစက်ပြီး အရာရာကိုအေးအေးဆေးဆေး ဖြေရှင်းတတ်တဲ့သူတစ်ယောက်။
ဒါပေမယ့် သူသတိထားရသလောက်ကတော့ ဒီအလုပ်သင် ဝမ်ရိပေါ်ဆိုတဲ့ကောင်လေးနဲ့ ပတ်သက်လာရင် ဥက္ကဌလုပ်သမျှအားလုံးက ထူးဆန်းလို့လာတာကို။
ဒေါသတွေလဲထွက်တတ်လာသလို ပြုံးလဲပြုံးတတ်လာသည်၊ ဝမ်းလည်းဝမ်းနည်းတတ်လာ၏။ နဂိုတည်းကတော့ ဒီကိစ္စတွေက လုပ်တတ်မှာမှန်ပေမယ့် သူဆိုလိုချင်တာက ခံစားချက်တွေကို ထိန်းမထားနိုင်လောက်အောင် ပွင့်ကျလာတာမျိုးကိုဖြစ်သည်။သူတောင်နာမည်ကိုအလွတ်ရနေတဲ့အထိ ဒီကောင်လေးနဲ့ပတ်သက်တာတွေကိုလုပ်ပေးနေရသည် မဟုတ်ပါလား။ ယွီပင်းသူတို့အား နားကိုမလည်နိုင်တော့ပါ။
အခုပဲကြည့်ပါလား....၊ အရင်က ဂရုတွေတအားစိုက်ပေးနေတော့ မိတ်ဆွေသူငယ်ချင်းတွေလို့သူကထင်နေခဲ့တာ။ ဒါပေမယ့်အခုကြတော့လဲ နည်းနည်းလေးတောင် နှုတ်ဆက်ဖော်မရပြန်။ တစ်ယောက်ကိုတစ်ယောက်မျက်နှာလွှဲပြီး မမြင်ချင်ယောင်ဆောင်နေကြပါတယ်။
တစ်ခါတစ်ခါဆို မဟုတ်တဲ့အတွေးတွေဝင်လွန်းလို့ သူ့မှာ အမြန်ဖျောက်ပစ်ရသေးတယ်။ ရည်းစားဟောင်းတွေလားဘာလားပေါ့။ ဒါပေမယ့် မဟုတ်နိုင်တာမို့ တွေးပြီးအားနာရသေး။ တကယ်ဘာတွေမှန်းမသိပါဘူး။ အတွင်းရေးမှူးတစ်ယောက်လုပ်ရတာ အဲ့လောက်ပင်ပန်းမယ်လို့ထင်ကိုမထင်ထားဘူး။ ပါပါးဆီမှာလေ့ကျင့်တုန်းကတောင် အရာအားလုံးကအေးဆေးတာ ၊ ဘာအလုပ်လာလာ ဒေါင်းတယ်။ အေးဆေး။ သို့သော် အခုဥက္ကဌရှောင်းနဲ့တွေ့မှပဲ ခေါင်းချည်းထိုင်ကုတ်ချင်နေတော့တာ။ အဆင်တွေပြေမနေခဲ့။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner