Yes,I like,you too?
လောကမှာ ယွီပင်းမကြုံချင်ဆုံးအရာကိုပြောပါဆိုလျှင် သေချာပေါက်ဥက္ကဌရှောင်းရဲ့ ဒေါသလို့သူဖြေမိမှာပါပဲ။ အကြည့်တစ်ချက်နဲ့တင် လူသတ်လို့ရတဲ့ ဥက္ကဌရှောင်းရဲ့ မျက်ဝန်းနက်တွေက တကယ့်လက်နက်စစ်စစ်တွေပင်။
လောကကြီးမှာ အသံသြဇာပြည့်တဲ့သူ ၊ အကြည့်သြဇာပြည့်တဲ့သူဆိုပြီး အစရှိသဖြင့်အမျိုးမျိုးရှိတဲ့အထဲ ဥက္ကဌရှောင်းကတော့ သြဇာမှန်သမျှကို တစ်ဖက်ကမ်းရောက်အောင်ပိုင်နိုင်တဲ့သူလို့ သူပြောလို့ရနိုင်ပါရဲ့။
သို့ပေမယ့် ကံဆိုးချင်တော့ အဲ့ဒီသြဇာမှန်သမျှက သူ့ရဲ့အပေါ်ချည်းသက်ရောက်နေသလိုမျိုးဖြစ်နေတာလေးတစ်ခုပါပဲ။ ဒါမှမဟုတ် သူကပဲ အနေအထိုင်မတတ်လို့လားပဲ။
အခုတော့ ဥက္ကဌရဲ့အရှိန်အဝါတွေကြောင့် ကားမောင်းတာကိုပင် မနည်းအာရုံလွတ်မသွားအောင် ထိန်းနေခဲ့ရပါပြီ။
တကယ်ဆို သူ့ဟာသူပြီးသွားမယ့်ကိစ္စကိုဝင်ရှည်မိခဲ့ရာကနေ ကံစဆိုးတော့တာပါပဲ။
တကယ်တော့ ယွီပင်းဆိုလိုချင်ခဲ့တာက အနောက်ခန်းမှာကြီး ၃ယောက်ထိုင်ရင်ကျပ်သွားမယ် ၊ ရိပေါ်က အနောက်ခန်းမှာပဲထိုင်လိုက်ပြီး ဟိုအစ်မကို ရှေ့ခန်းမှာသီးသန့်ထိုင်ခိုင်းလိုက်ပါလား ဆိုပြီးသာဖြစ်သည်။ ပြောရမယ်ဆို ရိပေါ်နဲ့ ဥက္ကဌရှောင်း ၂ယောက်တည်း အတူတူထိုင်ဖြစ်အောင် ဂွင်ဆင်ပေးတဲ့သဘောမျိုးပဲပေါ့။
သို့ပေမယ့် ငတုံးလေးက သူ့စကားကို တိုက်ရိုက်ကောက်ပြီး သူ့ဘေးနားဝင်ထိုင်လာတဲ့အခါမှာတော့ ယွီပင်းဟာ မလိုချင်ဆုံးအရာတွေကို ရရှိပိုင်ဆိုင်လေရတော့တာပါပဲ။
ဥက္ကဌကထုတ်မပြောပေမယ့် သူ့ကိုသေချာပေါက်အမြင်ကြည်မှာ မဟုတ်တော့ပါဘူး။ သူ့ဘဝဟာ အလင်းရောင်မပေါက်တဲ့ညအလား။ ရှေ့လျှောက် ဘယ်လိုတွေများရှေ့ဆက်ရပါ့။
သို့ပေမယ့် စိုးရွံ့မှုတွေကို ထုတ်ပြောနိုင်ခြင်းမရှိတာကြောင့် ယွီပင်း တိတ်တိတ်ကလေးသာ ကားဆက်မောင်းနေခဲ့မိပါသည်။ အနောက်ကနေစိုက်ကြည့်နေတာကို မသိချင်ယောင်ဆောင်ရင်းနဲ့ပဲ။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner