Yes,I like,you too?
အခုအခြေအနေကြီးကို ရိပေါ်ဘယ်လိုဖြေရှင်းရမယ်ဆိုတာ တကယ်သိမနေပါ။
စိတ်ထဲထူပူသွားလို့သာ လုပ်မိလုပ်ရာ ဆွဲလုပ်မိခဲ့တာဖြစ်ပေမယ့် ယခုသတိထားမိတဲ့အခါကြ လူမှာ မျက်နှာပူလွန်းလို့ နေစရာတောင်မရှိ။ မိမိရှေ့မှ ရှောင်းကျန့်ကို မော့ကြည့်ဖို့နေနေသာသာ မျက်နှာဘယ်လိုပြရမှန်းတောင် သိမနေတော့။
ရှောင်းကျန့်လက်ကို ကိုင်ထားမိခဲ့တာ အကြာကြီးမှအကြာကြီး။
အမှန်အတိုင်းဝန်ခံရလျှင်တော့ ရှောင်းကျန့်ရဲ့လက်ဖဝါးကို တစ်ကြိမ်လောက်ဖြစ်ဖြစ် ပြန်လည် တွဲခွင့်ရလို့ ကြိတ်ပျော်နေမိတာမှန်ပေမယ့် ထိုအကြောင်းကိုတွေးမိပြီးလို့ မရှက်ဘဲနှင့်လည်းမနေနိုင်။ဒီအခါ နောက်ဆုံးရိပေါ်လုပ်နိုင်တော့တာလေးတစ်ခုက ရှောင်းကျန့်ရှေ့ လက်ကလေးယှက်ကာ ခေါင်းငုံ့ရပ်နေတာသာဖြစ်ပါတော့ရဲ့။
ရှောင်းကျန့်ကတော့ စကားတစ်ခွန်းဆို တစ်ခွန်းမှ စဆိုမလာဘဲ ရိပေါ်ရဲ့ရှေ့မှာ ရပ်နေတုန်း။သို့သော် ယခုကဲ့သို့ ရပ်နေမိသည်က အချိန်တော်တော်ကြာနေပြီဖြစ်ပြီး
အကြာကြီးဒီအတိုင်းငြိမ်နေရင် ပြီးတော့မှာ မဟုတ်သည့်အတွက် ရိပေါ် ကိုယ့်အပြစ်ကိုယ်တောင်းပန်သည့်အနေဖြင့် အယဥ်ကျေးဆုံးဖြစ်အောင် စကားကိုဆိုလိုက်ပြီး ခါးအား ၉၀ ဒီဂရီ ကွေးညွှတ်ချလိုက်ပါ၏။"အခုလို ကျွန်တော့်ရဲ့အရှုပ်ထုပ်တွေထဲ ဆွဲထည့်မိတဲ့အတွက်တောင်းပန်ပါတယ်..
ပြီးတော့ ထပ်ဆွဲထည့်ဦးမှာဖြစ်တဲ့အတွက် ကြိုတောင်းပန်လိုက်ရပါတယ်"ထိုသို့ ဝမ်ရိပေါ်ရဲ့ ထူးဆန်းတဲ့တောင်းပန်စကားအဆုံး တစ်တောက်လျှောက်လုံး ဝမ်ရိပေါ်ဘာပြောလာမလဲဆိုပြီး ရပ်စောင့်နေခဲ့သည့် ရှောင်းကျန့်ရဲ့ မျက်ခုံးတို့မှာ အပေါ်သို့မြင့်တက်သွားတော့သည်။
ရှောင်းကျန့်ဟာ ရိပေါ်ဘာတွေဖြစ်နေသလဲဆိုတာကို နဂိုတည်းကသိချင်နေခဲ့တာဖြစ်ပြီး တစ်တောက်လျှောက်လုံးလည်း ရောက်တတ်ရာရာတွေးပြီးစိတ်ပူနေခဲ့တာကြောင့်
ထိုသို့စိတ်ပူနေသည့်ဤအချိန်တွင်မှ ဝမ်ရိပေါ်ဘက်က အရှုပ်ထုပ်လို့ ဆိုလာသည့်အခါ ရှောင်းကျန့်ရဲ့အတွေးတွေဟာ စိုးရိမ်အမှတ်ကိုရောက်ကုန်လေပြီ။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner