Yes,I like,you too?
"မစ္စတာရှောင်းကျန့်အမည်နဲ့ဟုတ်ပါတယ်နော်"
"အင်း"
ရိပေါ် ရှေ့ကMac bookကြီးကိုတစ်တောက်တောက်နှိပ်ပြီး စာရင်းစစ်နေတဲ့ ဧည့်ကြိုကောင်တာမှဖိုးဖိုးကြီးကိုကြည့်ရင်း နှုတ်ခမ်းလေးကိုဖိပိတ်ထားမိသည်။
မျက်လုံးများကလည်း အငြိမ်မနေနိုင်။ မသိမသာကလေး ခြေဖျားထောက်ရင်း ဘာတွေများရိုက်နေသလဲလို့ ခိုးကြည့်နေမိသေး၏။ဆိုင်တစ်ခုလုံးအတွက် အစားအသောက် စားပွဲကစလို့ ကြိုတင်တင်ထားသည့်စာရင်းအကုန်လုံးကို ထိုနေရာမှကြည့်သွားခြင်းဖြစ်သည်။
ဆိုင်၏ကြီးကျယ်ခမ်းနားပုံမှာ ထိုမျှပင်။ ဒီအတိုင်း ဧည့်ကြိုကောင်တာက လူတောင်Mac bookကြီးနဲ့။ ရိပေါ်တို့ဆို အပြင်မှာမြင်တောင်မြင်ဖူးတာမဟုတ်။
အရမ်းမိမိုက်နေရောပါပဲ။
ခေါင်းတညိမ့်ညိမ့်နဲ့လိုက်ကြည့်နေတဲ့ ဝမ်ရိပေါ်က ပထမဝင်ကာစတုန်းက နေရခက်နေသလိုခံစားချက်တွေကို အထဲကိုရောက်ကတည်းက ဖြေဖျောက်လိုက်ပြန်ပြီဖြစ်ပြန်သည်။
"ဟုတ်ပါပြီ...မစ္စတာရှောင်းကျန့် ၊ ကျွန်တော်တို့ဘက်က တွေ့ရတာအရမ်းကိုဝမ်းသာမိပါတယ်..လူကြီးမင်းတို့ရဲ့ဝိုင်းကို လိုက်ပြခွင့်ပြုပါကွယ်"
"ဟုတ်ကဲ့"
ဖိုးဖိုးကြီးက အသက်၆၀ကျော် ၇၀နီးပါးရှိလောက်ပြီဖြစ်သော်လည်း သန်သန်စွမ်းစွမ်းပင်။ ဆံပင်တွေအားလုံးဖြူနေပြီး ပါးရည်ကလေးနည်းနည်းတွန့်ရုံကလွဲ တုန်တုန်ချိချိတောင်မဖြစ်။
ရိပေါ်တောင် အကြာကြီးမတ်တပ်ရပ်ရတာတို့ ဘာတို့ဆို ခါးနာရတာနဲ့ခြေညောင်းရတာနဲ့ရှိသော်လည်း ရှေ့ကဦးဆောင်ပြီးခေါ်သွားတဲ့ထိုဖိုးဖိုးကြီးကတော့ သွက်ခနဲသွက်ခနဲ။
ပြုံးပြပြီး ဦးဆောင်သွားတဲ့နောက်သို့ ရိပေါ်နဲ့ရှောင်းကျန့်လည်း အတူတကွလိုက်သွားကြရသည်။ ဆိုင်က အောက်ထပ်တစ်ထပ်လုံးကို အခန်း,အခန်းတွေနဲ့ ဖွဲ့စည်းထားတာမို့ တစ်ခါတစ်ရံဝိတ်တာတစ်ချို့တစ်လေကလွဲပြီး တခြားလူသိပ်မတွေ့ရ။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner