Yes,I like,you too?
"တစ်တိုက်လုံးမှာ တစ်ယောက်တည်းတော့မဟုတ်ဘူးပေါ့...
ဒါပေမယ့် တစ်ဆောင်လုံးမှာတော့ တကယ်တစ်ယောက်တည်းရှိနေတာ
ခြေသံတွေကလည်း တရှပ်ရှပ်နဲ့ ဟိုပစ္စည်းတွေက ပြုတ်ကျ ဒီပစ္စည်းတွေက ပြုတ်ကျနဲ့ တကယ်လန့်နေရတာသိလား""ဟင်...တကယ်ကြီးလားဟင်?"
"တကယ်ပေါ့...နောက်ပြီး သူကထုတ်လုပ်ရေးဆောင်ဆိုတော့
မတော်တဆမှုဘာညာရှိရင်ရှိခဲ့မှာပေါ့...ဒါတွေကြောင့်နေမယ်""ဖြစ်နိုင်တယ်နော်...ကြောက်စရာကြီး"
"အဲ့တာပြောတာလေ... ထုတ်လုပ်ရေးဆောင်က တကယ်ကြက်သီးထစရာကောင်းတာပါဆို"
"ဟွန့်..."
အားရီဟွမ်ရဲ့စကားတွေကိုနားထောင်ပြီးတဲ့နောက် အားရီဟွမ်နဲ့မျက်နှာချင်းဆိုင်မှာထိုင်နေတဲ့ ရိပေါ်ရဲ့မျက်နှာလေးဟာ ဇီးရွက်လေးလောက်သာကျန်တော့မတတ် နှင့် ပြိုတော့မယ့်မိုးလို။
သရဲအလွန်ကြောက်တဲ့ရိပေါ်ဟာ ထုတ်လုပ်ရေးဆောင်က ဇာတ်လမ်းအချို့ကို ကြားသိရပြီးတဲ့အခါကျ နောက်လသွားရမည်ကိုကြိုတင် တွေးပူရင်း စတင်စိတ်ညစ်နေရပြီဖြစ်သည်။ရိပေါ်က သရဲကို အကောင်အထည်လိုက်မပြောပါနှင့် ၊ သ နဲ့ ရဲဆိုပြီး စာလုံးခြားပြောရင်တောင် ကိုယ့်ဘာသာပေါင်းတွေးပြီး ကြက်သီးတွေထမတတ်တွေးကာကြောက်တတ်သည်။ သရဲဆိုသည်ကို တခြားအရာတွေအားလုံးထက် ပိုကြောက်သည်ဆိုလည်းမမှား။
ရှင်းရှင်းပြောရရင် ပါပါးထက်တောင် သရဲကိုကြောက်တာပင်။
သို့သော် ကြားနေရသည့်ဇာတ်လမ်းသည်ကား နောက်လသူသွားရမည့် ထုတ်လုပ်ရေးအဆောင်မှာတဲ့။ ယခုပုံစံကား ထုတ်လုပ်ရေးဆောင်ကြီးက ယခုတည်းကသူ့အားလှမ်းပြောင်ပြနေသလို။ ဘယ်လိုလုပ်ရပါ့။ နောက်လတကယ်အလုပ်တောင်မဆင်းချင်တော့ပါဘူး။
"အဲ့တာဘယ်တုန်းကလဲဟင်?"
"နည်းနည်းတော့ကြာပြီပေါ့...ဒါပေမယ့် ဒီအဖြစ်တွေက အခုလည်းကြားနေရတုန်းပဲလေ....ဟင်းဟင်း"
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner