Yes,I like,you too?
ကုမ္ပဏီ၏ အဝင်ဝပေါက်တွင် ညာဘက်ဘောင်းဘီအိတ်ကပ်ထဲ လက်ထည့်လို့ မရယ်မပြုံး ငြိမ်သက်စွာရပ်နေသောသူတစ်ဦးရှိပြီး ဖြတ်သွားဖြတ်လာလုပ်နေကြသော သူများမှာအကြင်သူ၏ချောမောမှုကို မငေးပါဘဲနှင့် ထိုတံခါးပေါက်ကိုဖြတ်သွားနိုင်ခြင်းမရှိကုန်။
မျက်ခုံး မျက်ဝန်းနက်နက်တို့နှင့် ပိရိသေသပ်စွာ စေ့ထားသောနှုတ်ခမ်းပါးတို့ကား
တစ်စုံတစ်ယောက်အတွက်ကလွဲရင် ကွေးညွှတ်ဟန် ၊ မြင့်တက်ဟန် ၊ အလိုမကျဟန် တို့ကို ပြသမည့်ပုံမပေါ်။နက်ပြာရောင်ဝတ်စုံပြည့်ဖြင့် ခန့်ညားလှပနေသော ထိုလူသားသည် ယခုလည်း နာရီနှင့် လမ်းမထက်ကလွဲရင် ဘယ်ကိုမှအာရုံမပြုပါချေ။
အလုပ်ဆင်းချိန်ဖြစ်တာကြောင့် အိမ်ပြန်ကြကုန်သော လူများက တဖွဲဖွဲနှင့် မကုန်နိုင်အောင်ရှိနေလေကာ ကုမ္ပဏီ၏အဝင်ဝပေါက်ကား လူပြတ်တယ်ရယ်လို့မရှိသေး။
သို့သော် အကြင်ထိုလူသားကိုတော့ တွန်းတိုက်မိခြင်း တစ်စက်ကလေးမျှမရှိခဲ့ပါ။အကြင်လူသားကတော့ ဘာကိုမှဂရုမရှိ။ ဖြတ်သန်းသွားလာနေတဲ့ လူများအကြား သူ့ရဲ့ဝမ်ရိပေါ် ပါလာသလား ဆိုတာကိုသာ တစ်ချက်တစ်ချက် လိုက်လိုက်ရှာတတ်သည်။ ဝမ်ရိပေါ်လို ဖြူဖြူဖွေးဖွေးကောင်ကလေးကိုဆို ဘယ်လိုအချိန် ဘယ်လိုနေရာမျိုးမှာပဲဖြစ်ဖြစ်တွေ့အောင်ရှာနိုင်သူမို့ အချိန်တိုင်းလည်း ဖြတ်သွားနေသော လူအုပ်ကြီးကိုကြည့်စရာမလိုနေ။
ယမန်နေ့တွေက အိမ်ပြန်ချိန်တိုင်း အစည်းအဝေးပွဲများနှင့်တိုးတိုးသွားသည်မို့ ရိပေါ်အနားသွားလေဖို့ အခွင့်အရေးမရခဲ့။ ထို့ကြောင့် ၃ရက်လောက် ဝမ်ရိပေါ်နှင့် အိမ်ပြန်ချိန်များမှာဆုံခွင့်မရှိလိုက်ပါ။
နေ့လည်စာစားချိန်နှင့် မနက်ပိုင်းတွေမှာလည်း မအားလပ်တာကြောင့်လည်း ဝမ်ရိပေါ်ကိုလှမ်းကြည့်ရုံသာသူတတ်နိုင်ခဲ့သည်။ သို့ကြောင့် ယနေ့တော့ အိမ်အပြန်ချိန် အိမ်အထိလိုက်ပို့ပေးရင် ကောင်းမလားဟုတွေးရင်း ရှောင်းကျန့်ဟာ နာရီတကြည့်ကြည့်နှင့်ဟန်ပြင်ကာ ညနေ၄နာရီခွဲကတည်းက လာစောင့်နေခဲ့ခြင်းဖြစ်သည်။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner