Yes,I like,you too?
"ဟင်း~"
"...."
တစ်ခါ..။
"ဟင်း~~"
နှစ်ခါ...။
ဖန်ရှင်းကွန်ပျူတာကိုကြည့်နေရင်းမှ ဝမ်ရိပေါ်ရှိရာဘက်သို့ တစ်ချက်ကြည့်လိုက်သည်။
ရိပေါ်ကတော့ တီဗွီကိုအကြည့်မပျက်သေး။ သူ့ကိုလှည့်ကြည့်လာတာမျိုး မျက်နှာငယ်နေတာမျိုးမရှိ၍ ဖန်ရှင်းကွန်ပျူတာဘက်ပြန်လှည့်လိုက်၏။
"ဟင်း~~~"
သို့သော် သုံးခါမြောက်တွင်တော့ ဖန်ရှင်းသည်းမခံနိုင်တော့ပေ။
"ကဲ..ပြောပါ အဖေ..ဘာတွေများဖြစ်နေသလဲဆိုတာ ပြောပြပါတော့"
ထိုအခါ ဝမ်ရိပေါ်က သူခိုးလူမိသွားသလို ရုပ်မျိုးနဲ့ ဂဏာမငြိမ်စွာ ဖန်ရှင်းအားကြည့်လာ၏။
"ဘာတုန်း? ဘာမှမဖြစ်ပါဘူးဆို...ငါ့ဟာငါ ရုပ်ရှင်ကြည့်နေတာကို"
ဟုဆိုသည့် ဝမ်ရိပေါ်။
သို့သော် ထိုစကားအား ပါးစပ်ကိုဆားနဲ့အခေါက်တစ်ရာ ပလုတ်ကျင်းပြီး ပြောတောင် ဖန်ရှင်းမယုံပါ။
ဝမ်ရိပေါ်ဟာ အချင်းချင်းတွေကို အကြောင်းမသိဘူးလို့ တွေးပြီး ညာနေသည်လား..။
သေချာပါသည်။ ဝမ်ရိပေါ်ဟာ ဆင်သေကိုဆိတ်သားရေဖြင့် ဖုံးဖို့ကြိုးစားနေခြင်း။တကယ်ဆိုလျှင် ဟိုနေ့ညအပြီး ပြန်တွေ့ရတဲ့ ဒီအချိန်ဟာ ဖန်ရှင်း ဝမ်ရိပေါ်ကိုစနောက်ဖို့ကြိုးစားနေရမည့်အချိန်ဖြစ်သည်။ တကယ်စလည်းစချင်စရာကောင်းတဲ့ကိစ္စပဲမဟုတ်လား။ အဲ့အမူးသမားက မမှတ်မိဘူးလို့ ပြောလာရင်တောင် မှတ်မိအောင်လုပ်ပြီး စရမှာသူ့တာဝန်။
သို့ပေမယ့် အိမ်ရောက်လာတည်းက လက်မှိုင်ချပြီး ထီလတ်မှတ်ပျောက်သလိုရုပ်မျိုးနဲ့
ရောက်လာတာမို့ စဖို့နေသာသာ သူ့ပုံကြည့်ရင်း ဖန်ရှင်းပင် ဝမ်းနည်းချင်လာသလိုလို။ဒါ့ကြောင့် သူစိတ်ညစ်စရာများရှိလာသလားလေဆိုပြီး စချင်တဲ့စိတ်ကို အောင့်အီးသည်းခံနေခဲ့ရတာ။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner