Yes,I like,you too?
'ရှောင်းကျန့်ကို ငါကြိုက်နေတယ်'
ရှောင်းကျန့် ပြုံးမိရုံသာမက ရယ်ပါရယ်လိုက်မိသည်။
လှပတဲ့ အတိတ်ကလေးက ဘယ်အချိန်သူတွေးလိုက်တွေးလိုက် သူ့အားပျော်ရွှင်စေတာမို့ ခုလိုရယ်လိုက်မိပုံက မထူးဆန်းတော့။ဒီအခိုက်အတန့်လေးကို သေချာပြန်မတွေးကြည့်မိတာ ဘယ်လောက်တောင်ကြာခဲ့ပြီလဲ။ ကိုယ့်ကိုယ်ကို ထိန်းချုပ်ဖို့အတွက်ဆိုပြီး ပျော်ရွှင်စရာအတိတ်တွေကို မလိုလားစွာ သူမေ့ပျောက်ခဲ့ရတာ။ လုံလောက်ပြီ...ခုတော့ လုံလောက်ပါပြီ။ လှပတဲ့အတိတ်တွေကို ထပ်ပြီးချိပ်ပိတ်ထားစရာမလိုတော့တာမို့ သူဟာအခုကစလို့ တစ်ချိန်တစ်ခါအတွက် လှပတဲ့အတိတ်ဆိုတာများကို ကျေကျေနပ်နပ်ကြီး ဖန်တီးဖြစ်ဦးတော့မှာပဲ။
သို့ပေမယ့် ပြန်တွေးကြည့်စရာက အတိတ်တွေက နည်းနေသေးတယ်ဆိုတဲ့အချက်။
ရှောင်းကျန့်က ကလေးဘဝထဲက ကြိုးစားရခြင်းဆိုတာနဲ့ နေသားတကျဖြစ်ခဲ့တာမို့
လူတွေနဲ့ရောရောထွေးထွေး လုပ်တတ်ခြင်းအလျင်းမရှိခဲ့။
ဝမ်ရိပေါ်ကိုတောင် ဝမ်ရိပေါ်ကိုယ်တိုင် လာဖွင့်မပြောခင်ကတည်းက ချစ်မိခဲ့တာဖြစ်ပေမယ့် ဝမ်ရိပေါ်သာလာဖွင့်မပြောခဲ့ရင် သူတို့ဒီလိုအခြေအနေတွေတောင် ရောက်လိုက်မယ်လို့မထင်။သူဟာ ဝမ်ရိပေါ်ကိုမြင်မြင်ခြင်းချစ်ခဲ့မိတာလား တစစနဲ့ချစ်ခဲ့မိတာလားဆိုတာကို မမှတ်မိခဲ့သော်ငြားလည်း သတိထားမိတဲ့အချိန်မှာ သူ့ရဲ့ရင်မှာ ဆေးလွန်နေခဲ့ပြီးဖြစ်ခဲ့၏။ သေချာတာကတော့ သူ့အနားကိုအေးအေးဆေးဆေးမဟုတ်ဘဲ ထူးဆန်းတဲ့နည်း တစ်မျိုးမဟုတ် တစ်မျိုးနဲ့ ရောက်ရောက်လာတဲ့ဝမ်ရိပေါ်ကို သတိမထားမိဘဲ မနေနိုင်ခဲ့ပါဘူး။
အေးအေးဆေးဆေးနေတတ်တဲ့ သူမို့ နှုတ်ကတစ်ခွန်းမှ ဖွင့်မထုတ်ပြခဲ့ပေမယ့် ဝမ်ရိပေါ်ရဲ့ အကြောင်းအရာသေးသေးလေးတွေကအစ သူသိနိုင်ဖို့ကြိုးစားခဲ့ပါရဲ့။
KAMU SEDANG MEMBACA
Yes,I like,you too?
Fiksi PenggemarNo big plots :) UwU U>U Start _ 4.5.2021 End _ ? Cover credit to owner