38

1.9K 239 26

by thousandsunnyO

by thousandsunnyO

Yes,I like,you too?

"ရိပေါ်...ခါးပါတ်"

ရှောင်းကျန့် ကိုယ့်ခါးပါတ်ကိုယ်ပတ်ရင်းနှင့် သတိပေးသည့်အနေဖြင့်ဆိုလိုက်သည်။ သို့သော် တုန့်ပြန်သံတစ်ချက်မျှရမလာသလို ဘေးမှ လှုပ်ရှားပြုမူသည်လည်းမခံစားရ။

သို့ဖြစ်၍ ဘာလို့များလည်းဟု တွေးမိရင်းမော့ကြည့်လိုက်သည့်အခါ ဝမ်ရိပေါ်က သူ့အားစိုက်ကြည့်နေခဲ့သည်ကိုသာတွေ့ရသောကြောင့် ရှောင်းကျန့်ပင် အနည်းငယ်ရှိုးတိုးရှန့်တန့် ဖြစ်သွားရ၏။ ဝမ်ရိပေါ်ကား သူ့ကိုစေ့စေ့ပင်မော့မကြည့်ခဲ့တာ အတော်ပင် ကြာခဲ့လေပြီ မဟုတ်ပါလား။

ဒီနောက်ပိုင်း ဝမ်ရိပေါ်က ဘာကြောင့်မှန်းမသိ ၊ အမြဲတမ်း ခေါင်းမဖော်စတမ်းနဲ့သာ။

ထို့ကြောင့် မျက်လုံးကြည်ကြည်ကလေးများနှင့် ဝမ်ရိပေါ်သူ့အား ရပ်တန့်ခြင်းမရှိစွာကြည့်တိုင်း ဘာမှကြီးကြီးမားမားမဟုတ်တောင် ရှောင်းကျန့်ရဲ့ကြည်နူးရိပ်ကတစ်ရစ်ရစ်ပါပင်။

"ရိပေါ်..."

ဒီလိုအတွေးလွင့်နေပုံနဲ့ သူကငေးနေပုံနှင့်...၊ ထိုသို့သာဆို နှစ်ယောက်သား ထွက်ဖြစ်မှာမဟုတ်တော့သည့်အတွက် သတိပြန်ကပ်လိုက်ပြီး ဝမ်ရိပေါ်အားကြည့်ကာ အသံပြုမိသည်။ သို့သော် သူ၏ရှေ့ကကျောက်ရုပ်လေးက တုပ်တုပ်မျှလှုပ်မလာပါချေ။

"ဝမ်ရိပေါ်..."

"ဟင်...ဟင်!"

နောက်တစ်ခေါက် အသံနည်းနည်းလေးထပ်ကျယ်လို့ခေါ်လိုက်သောအခါမှ ယခုမှသတိပြန်ဝင်လာသလိုပုံစံလေးနှင့် မျက်ခုံးကလေးများကိုပင့်တင်လာသည့် ဝမ်ရိပေါ်က တစ်မျိုးမျိုးတော့ တစ်မျိုးမျိုးပါပင်။

သူ့ရှေ့မှာဆို ငြိမ်ကုပ်နေတတ်တဲ့ ယခုလက်ရှိမှ ပုံစံလေးနှင့်မတူစွာ ကျောင်းတုန်းကလိုမျိုး။ အမြဲတမ်းသတိလက်လွတ်နဲ့ ချက်ချင်းအာရုံမရလာတတ်တဲ့ ဝမ်ရိပေါ်ရဲ့ပုံစံလေးက ရှောင်းကျန့်ရဲ့ရင်ကို အမြဲတမ်းမြူးခနဲဖြစ်သွားစေ၏။

Yes,I like,you too?

38

Promoted stories

You'll also like