Yes,I like,you too?
"အိ.."
တစ်စုံတစ်ရာနဲ့ပြင်းပြင်းထန်ထန် တိုက်မိလိုက်ပြီလို့ ခံစားလိုက်ရတည်းက ဝမ်ရိပေါ်ဟာ သူ့ရဲ့မျက်လုံးအစုံကိုသတိမထားမိခင်လေးမှာတင် မှတ်မိခဲ့သည်ဖြစ်ပြီး
ထိတိုက်မှုအားရဲ့ပြင်းထန်မှုကြောင့်လည်း သူ့ရဲ့ကိုယ်ဟာ အနောက်သို့ ယိမ်းကာ ပြန်ကန်ထွက်မိခဲ့ပြီးဖြစ်သည်။အဖြစ်အပျက်တွေကမြန်ဆန်လွန်းတာမို့ ကိုယ့်ကိုယ်ကို ဟန်ချက် မထိန်းနိုင်တော့ဘဲနဲ့
လန်ကျလေတော့ ရုတ်ချည်းတွေးမိလိုက်တာက 'သွားပြီ' ဆိုပြီး။သို့ပေမယ့် တကယ့်အဖြစ်အပျက်က လက်တွေ့နဲ့ မတူညီခဲ့ပါ။
မာကျောတဲ့ကြမ်းပြင်နဲ့ ထိတွေ့ရတော့မယ်လို့ ကြောက်ကြောက်လန့်လန့်တွေးမိလိုက်ပေမယ့် တကယ်တမ်းက အပြည့်အစုံမလဲကျရသေးခင်မှာပင် သူ့ရဲ့ကိုယ်ဟာလေထဲတင်ရပ်တန့်ပြီး ပုခုံးကနေတင်းကျပ်မှုတစ်စုံတစ်ရာကိုသာ ခံစားခဲ့ရသည်။သို့ပေမယ့် သူ့မယ်လန့်သွားတာကြောင့် ချက်ချင်းမျက်လုံးမဖွင့်နိုင်ခဲ့။ သို့ပေမယ့် အံ့သြရခြင်းတွေ လန့်ထိတ်ရခြင်းတွေက ထိုမျှနဲ့ မရပ်သွားခဲ့ပါချေ။
"ဝမ်ရိပေါ်... " ဆိုတဲ့ ရင်းနှီးနေတဲ့ အသံကို သူကြားလိုက်ရပြီး ထိုသို့ကြားလိုက်ရသောကြောင့် စိုးရိမ်စွာ ရုတ်ချည်းမျက်လုံးဖွင့်ကြည့်မိလိုက်တော့ လက်တွေ့ တွေ့လိုက်ရသည်က သေချာပေါက်ရှောင်းကျန့်ဖြစ်နေခဲ့သည်ကို။
မျက်လုံးဖွင့်ကြည့်မိလိုက်သည်နဲ့ တန်း၍တွေ့လိုက်ရသည်က ရည်းစားဟောင်းရဲ့ အနီးကပ်မျက်နှာဖြစ်နေပြီး သူ့ကိုပုခုံးကနေပွေ့ဖက်ထားသည်ကို သတိထားမိလိုက်သည့်အခါ ဝမ်ရိပေါ်ရဲ့မျက်နှာခမျာ ရေနွေးအိုးနဲ့အကပ်ခံလိုက်ရသလို ရှဲခနဲပူတက်လာတော့တာပါပဲ။
"ဟမ်..."
"အဆင်ပြေရဲ့လား..သား"
"ဟင်!..မား"
ရုတ်တရက်မို့ ဘာလုပ်ရမယ်မသိဖြစ်နေတုန်း ဘေးနားကမားရဲ့အသံကို ကြားလိုက်ရတဲ့အခါ မျက်နှာမှာ နှစ်ဆရဲတက်လာခဲ့ပြီး ထိုတော့မှပဲအလန့်တကြား ရှောင်းကျန့်ဆီမှ ရုန်းထွက်ကာ မတ်တပ်ပြန်ရပ်မိတော့သည်။
YOU ARE READING
Yes,I like,you too?
FanfictionNo big plots :) UwU U>U Start _ 4.5.2021 End _ ? Cover credit to owner