"ငါကကာကွယ်ပေးမယ်"
"ဟမ်?"
"ဒီနေ့ကစပြီးငါကမင်းကိုကာကွယ်ပေးမယ်လို့"
"..."
ဂျယ်မင်းကဘာစကားမှမပြောနိုင်တော့ပဲအံ့ဩစွာဂျယ်နိုကိုကြည့်နေပြီး ဂျယ်နိုကလဲဂျယ်မင်းရဲ့မျက်ရည်စလေးတွေနဲ့လရောင်အောက်မှာတောက်ပနေတဲ့မျက်လုံးကိုစိုက်ကြည့်နေပါသည်။
သိပ်မကြာခင်မှာပဲဂျယ်မင်းကမျက်လုံးလွှဲလိုက်ပြီးတော့သူ့ရဲ့ပန်းချီကားကိုအဆုံးသတ်ရန်အရောင်ညှိသည့်လုပ်ငန်းကိုပြန်စလိုက်ပါသည်။
"ကျနော်အဲ့လိုစကားတွေကိုမယုံဘူး"
"မင်းယုံတာမယုံတာကမင်းကိစ္စလေ။ ငါကတော့မင်းကိုကတိပေးတယ်"
"ကတိ...ကတိမပေးပါနဲ့"
ဂျယ်မင်းကဂျယ်နိုကိုပြန်ကြည့်ကာပြောလာပါ၏။
"တကယ်လို့မတည်နိုင်ခဲ့ရင်အဲ့ကတိဆိုတာကြီးကမျှော်လင့်ချက်တစ်ခုလိုဖြစ်တတ်တယ်မလား"
"ငါကတိပေးပြီးရင်တစ်ခါမှမဖျက်ခဲ့ဖူးဘူး"
"ဒါပေမယ့်လဲမပေးပါနဲ့"
ဂျယ်မင်းကဂျယ်နိုကိုတစ်ခါလေးတောင်အရှုံးမခံပဲပြန်ပြောလာတော့ ဂျယ်နိုကထိုကောင်လေးကိုသေချာကြည့်လိုက်မိတော့မှအနည်းငယ်တွေဝေမှုတို့ရှိနေသောမျက်ဝန်းတစ်စုံ။
"မင်းသဘောမကျလဲမတတ်နိုင်ဘူး။ ငါမင်းကိုကတိပေးတယ်။ မင်းကိုကာကွယ်ပေးမယ်"
ဂျယ်မင်းရဲ့တွေဝေနေတဲ့မျက်လုံးတွေကအနည်းငယ်ဝမ်းနည်းတဲ့ဘက်ကိုပြောင်းသွားသလို။ ဂျယ်နိုကလဲထိုမျက်နှာလေးကိုစိုက်ကြည့်ကာအရိပ်အခြေတစ်ချက်ပင်မပျက်ပဲ သူဘယ်လိုခံစားနေရတယ်ဆိုတာကိုအကဲခတ်နေပါ၏။
ဂျယ်မင်းကတစ်ခုခုကိုပြောချင်နေတဲ့ပုံပေါက်ပေမယ့်သူမပြောပဲနဲ့ပြန်ငြိမ်သွားကာ ပန်းချီကားကိုသာဆက်အာရုံစိုက်ကာအရောင်ညှိနေပါလေတော့သည်။
ဂျယ်နိုကလဲကောင်းကင်ပေါ်ကလကိုကြည့်လိုက်ပါသည်။ လပြည့်နေ့မလို့ထင်ပါသည်။ အလင်းရောင်ကောင်းကောင်းပေးနေတဲ့လမင်းကြီးကကောင်းကင်ပေါ်မှာသူတို့ကိုငုံ့ကြည့်နေသလို။
YOU ARE READING
𝙻𝚘𝚟𝚎 𝙱𝚎𝚝𝚠𝚎𝚎𝚗 𝙲𝚄𝚁𝚂𝙴 🅽🅾︎🅼🅸🅽
Romance"တကယ်လို့ဒီကျိန်စာကတကယ်ဖြစ်ခဲ့ရင်တောင်ငါပဲသေပြီးငါပဲနာကျင်ရပါစေ" 1400ကျော်ခုနှစ်ခန့်မှာဒီလူနှစ်ယောက်ရဲ့ချစ်ခြင်းတရားကကျော်ကြားပေါက်ကြားခဲ့တယ် 'ယောင်္ကျားနှစ်ယောက်ချစ်ကြိုက်ခြင်း' ဆိုတဲ့ခေါင်းစဉ်အောက်မှာအမုန်းတရားတွေနဲ့ ကျိန်စာတိုက်ခံရပြီးဒီကျိန်စာကသ...
