حور الريان

البارت الحادى عشر

حور الريان
البارت الحادى عشر
بقلم نوران محفوظ

بصتله بغيظ من برودة ردوده وقالت بنفور : هو انت كمان الا زعلان
بصلها جامد بغضب وقال : وانت شايفه الا حصل ميزعلش
ولا شايفنى سوسن قدامك
اتكلمت بغضب وكل تفكيرها أنه يقصد تصرفها مع غاليه : والله لو زعلان قوى كده علشانها روحلها
ووسيها اصلها واحده ومكسورة الجناح
ضغط على سنانه بعصبيه وقال : اه هروح اوسيها واحضنها
زعقت بغضب من استفزازه : يوسف
بص بعيد وكتف ايده قدامه وهو بيقول : ينفع الا حصل ازاى تحضنى ريان أنا مش كنت متفق معاكى
بصتله باستنكار وهى بتفتكر كلامه عنها وعن ريان وعن طبيعة علاقتهم والمفروض تكون ازاى وقالت : كان بقاله فتره بعيد ووحشنى
خبط بإيده على الحيطه جانبها وقال بعصبية : متقوليش زفت وحشنى أنا بس الا اوحشك فاهمه
كشرت بخوف وقالت بصراحه : يوسف ريان اخويا أنا اتربيت على كده اكتر من عشرين سنه مش هقدر ألغى ده
مسك اديها وبصلها بغضب : وانا مقولتش كده بس بحدود
عارف انك بتعتبريه اخوكى بس انا بغير بغير بتجنن لما بتقربى منه أو حتى تكلميه عادى
ريحينى وبلاش تقربى خليكى ليا انا بس أنا الا اوحشك وانا الا تحبيه وانا بس الا تقربى منه
لف اديه حولين وسطها وقال أنا بس الا مسمحوله يقرب غيرى لا مش كده
سمر بلعت ريقها بتوتر من كلامه كلامه ساحرها محى اى غضب نحيته لمسته كفيله ترجعها سنين لورا
غيرته وطريقة كلامه جننتها
مردتش عليه بس قربها كان دليل الموافقه
ابتسم بلهفه وعشق وهو بيقرب اكتر

كانت هتتجنن ف اوضتها ومش عارفه تعمل ايه واخده الاوضه رايح جاى تفكيرها هيوديها ف داهيه قدامها حلين الاول تهرب وساعتها كل حاجه هتثبت عليها وهيفكروا انهم صح
والثانى تستنى نصيبها مات جوزها وسابها ف نار وحيره
حطت وشها بين ايديها وبكت بضعف
دره قربت منها ومسحت دموعها وهى بتقول متبكيش
حضنتها وهى بتاخد نفسها ومره واحده كانت هتصرخ بس لقت حد بيحط ايده على بؤها : أنا اهدى
خدت نفس ودموعها نزلت من خوفها وقالت : والله العظيم قلبى وقع برجلى فكرته حدا تانى
ابتسم على كلامها وقال : اسفلك يا ستى بس متخافيش قوى كده وخليكى عارفه أننا جانبك ومحدش يقدر يقرب منك
هزت راسها بنفى وقالت : عندك حق بس بسبب الا حصل وانا بخاف من اقل حاجه
ضحكت وهى بتهز راسها بس مراتك دى مفتريه قوى
ابتسم بسمه صغيره وقال : حور مش متهوره كده بس يمكن بسبب الضغوطات الا عليها
اتكلمت بثناء على كلامه :  دى عندها إصرار غريب ماشيه بمبدأ هعمل الا انا عايزاه بالذوق بالعافيه
هعمله
هز رأسه بتأكيد وقال : هى شخصيه قويه مش متردده ومبادئها فوق كل حاجه
اتكلمت بخبث : بس ده ميمنعش انها بتتلون
ضحك على كلامها ومردش عليها فقالت بتنهيده : أنا طاقتى خلاص خلصت مش قادرة ولا مستحمله ضغط اكتر من كده
هز رأسه ببسمه غامضه وقال : اخر حاجه هتتكلفى بيها
ومش هيبقى مطلوب منك حاجه تانيه
بصتله بحذر وقالت : ايه
ضحك بمكر وقال : حاجه بسيطه خالص هتخلى ليام يجى هنا على اساس انك عندك معلومات مهمه ولأهميتها
مينفعش حد يستلمها غيره
بصتله بتردد وقالت : أنا معنديش اغلى من بنتى وهى السبب انى اتعاون معاكم
ابتسم وهو بيقول بدعابه : متنسيش انك مصريه
ابتسمت بحنين لعمران وقالت : اه مصريه بس
غمضت عينها وهى بتفتكر لحظات خاصه ليها مع عمران
خرجت من سرحانها على صوت ريان الا لبس الكاب وقال : النهارده كل حاجه لازم تكون خالصه
تلفونك على السرير
جرت على السرير تشوفه
فتحت عينيها بذهول وقالت : انت عرفت تجيبه من حور ازاى
كملت بنبره سريعه لما لقت شاشته متكسىره هو ايه الا حصله
ضحك وهو بيفتكر الا حصل وسابها ومشى