ဒရက်ကိုဟာ သူ့ရင်ဘက်ကိုဖိထားသည့် မှော်သားရဲဆီကနေ အတင်းရုန်းထွက်ဖို့လုပ်ပေမဲ့လည်း မှော်သားရဲဆီကနေ မရုန်းနိုင်ချေ။
"ငါ့အပေါ်က ဖယ်ပေး!!!"
အော်ဟစ်ရင်းရုန်းကန်နေစဥ် ဟယ်ရီထွက်သွားသည့်ဘက်ကိုပဲ တဟုန်ထိုးပြေးသွားသည့် ဒေမီယန် ကော်ဘရာနှင့် ရေဗင်ကလောကျောင်းသား ထရိုင်ဒွန် ဒယ်လ်တန်တို့အား လှမ်းမြင်လိုက်ရသည်။ ဒရက်ကိုပဲအမြင်မှားလားမသိ။ ဒေမီယန် ကော်ဘရာရဲ့ခန္ဓာကိုယ်က ရွှေရောင်အလင်းတွေဖြာထွက်နေတာကို လှမ်းပြီးမြင်လိုက်ရသေး၍ တစ်ခဏတော့ အံ့သြမိသွားသည်။ ပြီးမှသူတို့တောင် ဟယ်ရီ့ကိုသွားကူကြတာကို မိမိမှာမကူညီနိုင်သေး၍ အားလိုအားမရဖြစ်ကာ အတင်းရုန်းကန်ပေမဲ့လည်း ခေါင်းကိုင်အဖေဖြစ်သူ ဆီးဗရက်စ်က
"ဒရက်ကို..စိတ်ကို့လျှော့ထားလိုက်။ ပေါ်တာက တစ်ယောက်တည်းမဟုတ်ပါဘူး။ စိတ်မပူနေနဲ့!! ငါနဲ့အတူရဲတိုက်ကိုပဲ ပြန်ပြီးအကူအညီသွားယူကြမယ်။"
"ဒါပေမဲ့..."
"သတိထားစမ်း!! မင်းလိုက်သွားရင်ကော ပေါ်တာ့ကို မင်းကူညီပေးနိုင်မှာလား?! ငါနဲ့အတူရဲတိုက်ကို ပြန်မယ်!!"
ဆီးဗရက်စ်က ဒရက်ကိုရဲ့ဝတ်ရုံစကို ဆွဲသည်။ ထိုအခါမှ ရင်ဘက်ကိုဖိထားသည့်မှော်သားရဲက ဒရက်ကို့ပေါ်ကနေဖယ်ကာ ဟယ်ရီ့နောက်ကို ပြေးလိုက်သွားတော့သည်။
.....................
ဒေမီယန်သည် တားမြစ်တောအုပ်ထဲကိုပြေးဝင်လာရာ သမန်းဝုံပုလွေနှင့်ခွေးနက်ကြီးတစ်ကောင်မှာ လုံးထွေးနေကြသည်။ ဟယ်ရီ(Black)ကတော့ အနားမှာရပ်နေပြီး လုံးထွေးနေသည့်သတ္တဝါနှစ်ကောင်ကို ဆွဲဖယ်ဖို့ကြိုးစားနေသည်။
"ဂီး!!"
"အ!!"
သမန်းဝံပုလွေက ဟယ်ရီ့ကိုလှမ်းပြီးလက်နှင့်ကုတ်လိုက်၍ ဟယ်ရီရဲ့လက်ဖျံမှာ ကုတ်ရာအကြီးကြီးဖြစ်သွားသည်။ ဒေမီယန်လည်း ဒီ့ထက်ပိုပြီး ဟယ်ရီ့ကိုအနာမခံစေချင်တာကြောင့် သမန်းဝံပုလွေကိုသူ့ဆီကို ရောက်အောင်အာရုံလွှဲလိုက်သည်။ သမန်းဝံပုလွေမှာချက်ချင်းပင် ဒေမီယန့်ဆီကိုပြေးလာရာ ဒေမီယန်လည်း နောက်ကိုတစ်လှမ်းဆုတ်ပြီးမှ ပြန်ပြီးတိုက်ဖို့ပြင်ပေမဲ့လည်း ကျောက်တုံးတစ်ခုကိုနင်းမိလိုက်၍ ဟန်ချက်မထိန်းနိုင်ပဲ ပလက်လဲကျသွားသည်။
YOU ARE READING
Saving Draco Malfoy (Draco x Harry)
Fanfictionနက္ေရာင္ေက်ာ္စြာတစ္ေယာက္ဟယ္ရီေပၚတာဘဝေရာက္ကာဒေရဂိုမလ္ဖိြဳက္းအားဗီလိန္ဘဝမွကယ္တင္ျပီးဗိုဒီေမာ့ဘက္ေတာ္သားမျဖစ္ေအာင္ေျပာင္းလဲေပးရန္systemတစ္ခုမွတာဝန္ေပးအပ္ျခင္းခံရေသာအခါမူလဟယ္ရီႏွင့္မတူျခားနားေသာဟယ္ရီပံုစံျဖင့္ႀကိဳတင္သိရွိေနေသာေဘးအႏၱရာယ္မ်ားကိုဘယ္လိုေရွာ...
